Saffron Seeds Recovered at Airport سرینگر ائیر پورٹ پر زعفرانی بیج کی بھاری کھیپ ضبط

پانپور قدرتی طور پر زعفران علاقہ کے نام سے دنیا بھر میں مشہور ہے۔ یہاں ہر سال 25 اکتوبر تا 15 نومبر تک زعفران کے کھیتوں سے زعفران چنا جاتا ہے اور اسے پیک کر کے فروخت کیا جاتا ہے۔

سرینگر: ڈائریکٹر ایگریکلچرل نے انفورسمنٹ اسکارڈ کے ہمراہ سرینگر کے بین الاقوامی ہوائی اڈے کے کارگو ٹرمینل سے زعفرانی بیچ کی بھاری کھیپ بیرون ریاست اسمگل کرنے کی ایک کوشش کو ناکام بنایا۔ایسے میں 3 کوئنٹل 26 کلو زعفران کے بیج کو ضبط کر لیا گیا ہے۔

ناظم زراعت چودھری محمد اقبال نے کشمیری زعفران کے بیچ بیرون ریاست اسمگلنگ کی مصدقہ اطلاع ملنے پر کارگو ائیرپورٹ سرینگر کے نزدیک ایک چھاپہ مار کارروائی کے دوران زعفران کے بلبز بیرون ریاست اسمگلنگ کی کوشش کو ناکام بنایا۔
اس چھاپہ مار کارروائی کے دوران ناظم زراعت کے ساتھ انفورسمنٹ آفیسر بڈگام شاہ نواز لون کے علاوہ دیگر متعلقہ عہدیداران بھی موجود تھے۔

اس سلسلے میں اننت ناگ ضلع کے رہنے والے محمد اقبال بٹ کے خلاف کارروائی عمل میں لائی گئی ہے۔ سیکشن 14 سیڈ ایکٹ 1966 کے تحت مذکورہ شخص کے خلاف کارروائی کو انجام دیا گیا ہے جبکہ اس تعلق سے مزید تحقیقات بھی شروع کر دی گئی ہے۔

واضح رہے کہ پانپور قدرتی طور پر زعفران علاقہ کے نام سے دنیا بھر میں مشہور ہے۔ یہاں ہر سال 25 اکتوبر تا 15 نومبر تک زعفران کے کھیتوں سے زعفران چنا جاتا ہے اور اسے پیک کر کے فروخت کیا جاتا ہے۔