ملک میں بڑھتی مہنگائی سے ہر شخص پریشان ہے اور مرکزی حکومت عوام کو کسی بھی طرح کی راحت کا سامان مہیا کرنے میں ناکام ہے، ایسے میں کانگریس پارٹی کی جانب سے مہنگائی کے خلاف سرینگر میں احتجاج کیا گیا۔ یہ احتجاج سرینگر میں کانگریس کے صدر دفتر سے منعقد شروع ہوا تھا اور ایم اے روڈ پر احتجاج کرنے کا منصوبہ تھا جس پولیس نے ناکام بنا دیا۔ کانگریس کارکنان نے ہاتھوں میں پلے کارڈز لئے مہنگائی پر مرکزی حکومت کے خلاف نعرے بازی کی۔ کانگریس کے جنرل سکریٹری سریندر سنگھ چھنی کا کہنا ہے کہ ملک میں آئے روز کھانے پینے کی چیزوں اور پٹرول اور ڈیزل کی قیمتوں میں بے تحاشہ اضافہ ہورہا ہے جس سے عوام پریشان ہے۔ Protest On Price Hike
ان کا کہنا ہے کہ مرکزی حکومت انتخابات کے دوران چیزوں کی قیمتوں میں کمی کرتی ہے اور جوں ہی الیکشن ختم ہوتے ہیں مہنگائی آسمان تک پہنچ جاتی ہے۔ انہوں نے کہا کہ مرکزی حکومت چند سرمایہ کاروں کے لیے قیمتوں میں اضافہ کر رہی ہے جس سے عام لوگوں کی زندگی متاثر ہوئی ہے۔ انہوں نے مزید کہا کہ مرکزی حکومت کو محض انتخابات لڑنے سے غرض ہے عام لوگوں کے مشکلات کا ازالہ ان کی ترجیحات میں شامل نہیں ہے۔ واضح رہے کہ اتر پردیش انتخابات کے ختم ہونے کے بعد پٹرول، ڈیزل اور ایل پی جی میں روزانہ اضافہ ہورہا ہے۔ Protest On Price Hike
