آزادی کا امرت مہا اتسو کے تحت شکارہ ریلی کا انعقاد

آزادی کے 75 برس مکمل ہونے پر وادی کشمیر میں 'آزادی کا امرت مہا اتسو' کے سلسلے کا آغاز آج ہوا جس میں مشہور جھیل ڈل میں شکارہ ریلی کا انعقاد کیا گیا-

ملک کی آزادی کے 75 برس مکمل ہونے پر 'آزادی کا امرت مہا اتسو' کے تحت کشمیر میں مختلف پروگرامز کا اہتمام کیا جا رہا ہے۔ اسی سلسلے میں مشہور جھیل ڈل میں شکارہ ریلی کا انعقاد کیا گیا- اس ریلی کو لیفٹینٹ گورنر کے مشیر بصیر خان نے ہری جھنڈی دکھائی۔

بصیر خان نے کہا کہ 75 ہفتوں میں مختلف پروگرام منعقد کیے جائیں گے تاکہ لوگوں تک یہ پیغام پہنچے کہ وادی میں حالات بہتر ہوتے جارہے ہیں-

اس ریلی میں انتظامیہ کے افسران کے علاوہ بی جے پی کے کارکنان نے بھی شرکت کی۔ 75 شکارہ پر مشتمل یہ ریلی نہیرو پارک میں ختم ہوئی-

قابل ذکر ہے کہ جموں و کشمیر میں انتظامیہ امسال ملک کی آزادی کے 75 سال مکمل ہونے پر پہلی مرتبہ بڑے پیمانے پر جشن آزادی کی تقریبات کا اہتمام کر رہی ہے-

اس جشن کی شروعات آج ہوئی ہے اور 75 ہفتوں کے بعد 15 اگست 2022 کو ان پروگرامز کا اختتام ہوگا-