ACB Raids: اینٹی کرپشن بیورو کی پاسپورٹ آفس سرینگر میں چھاپہ ماری

اینٹی کرپشن بیورو (اے سی بی) نے مرکز کے زیر انتظام جموں و کشمیر کی گرمائی دارلحکومت سرینگر میں واقع پاسپورٹ دفتر پر پیر کے روز چھاپا مارا۔

ذرائع کے مطابق اے سی بی کو پاسپورٹ دفتر میں ہو رہی مبینہ بے ضابطگیوں کے حوالے سے شکایت موصول ہوئی تھیں جس کے پیش نظر آج دفتر پر چھاپا ماری کی گئی ہے۔

ذرائع کا مزید کہنا تھا کہ اس وقت اے سی بی کے سینئر افسران پاسپورٹ آفس میں موجود ملازمین سے معاملے کے حوالے سے پوچھ تاچھ کر رہے ہیں۔ تاہم ابھی تک یہ معلوم نہیں ہو پایا ہے کہ کس معاملے اور کیسی بے ضابطگیاں ہوئی ہیں۔