سرینگر: آگ بجھانے کی کوشش کے دوران 5 افراد زخمی

جموں و کشمیر کے گرمائی دارالحکومت سرینگر میں آتشزدگی کے دوران ایک سے زائد رہائشی مکانات کو نقصان پہنچا ہے۔ اس کے علاوہ اس حادثے میں 5 افراد زخمی بھی ہوئے ہیں۔

سرینگر کے تاربل، نوا کدل علاقے میں منگل کی صبح معراج الدین نامی ایک شخص کے گھر سے اچانک آگ نمودار ہوئی جس نے ارد گرد کے دیگر رہائشی مکانوں کو بھی اپنی زد میں لے لیا۔

مقامی لوگوں نے آگ کو مزید پھیلنے سے روکنے کی کوشش کی جس دوران 5 افراد زخمی ہو گئے۔

زخمیوں کو فوری طور ایس ایم ایچ ایس اسپتال منتقل کیا گیا جہاں ان کی حالت مستحکم بتائی جا رہی ہے۔