سرینگر: جموں کشمیر میں گذشتہ چار برسوں میں ٹریفک حادثات میں چار ہزار دو سو 78 انسانوں کی موت ہوچکی ہے جن میں سرینگر جموں شاہراہ پر ایک ہراز افراد کی موت ہوئی ہے۔ مرکزی وزارت روڈ و ٹرانسپورٹ کے اعدا و شمار کے مطابق جموں کشمیر میں سنہ 2018 سے 2022 تک 28178 سڑک حادثات پیش آئے ہیں جن میں 4278 افراد کو موت ہوچکی ہے۔ ان حادثات میں جموں سرینگر شاہراہ سر فہرست پر ہے، جس پر 7870 حادثات پیش آئے ہیں اور ان حادثات میں ایک ہراز مسافروں نے اپنی جان گنوائی ہے۔
اگرچہ جموں کشمیر کے ضلعی سڑکوں پر بھی حادثات پیش آئے ہیں اور ان میں کئی افراد یا فوت ہوئی یا زخمی ہوگئے ہیں تاہم خطہ چناب کے ضلع ڈوڈہ اور کشتواڑ شاہراہ پر خطرناک حادثے پیش آرہے ہیں جن میں درجنوں مسافروں کی اموات ہوتی ہے۔ گزشتہ ماہ یعنی نومبر میں ڈودہ جانے والی شاہراہ پر ایک مسافر بس گہری کھائی میں گرنے کے وجہ سے 40 مسافروں کی موت ہوگئی۔ دراصل یہ شاہراہ دریائے چناب کے کنارے پر واقع ہے جس کی سطح دریائے سے کئی ہزار فٹ ہے۔ چونکہ سڑک پہاڑی ہے دامن سے گزرتی ہے اس کے سبب اسکی چوڑائی بھی کم ہے۔
حکام بس ڈرائیورز کی تیز رفتاری، اوور لوڈنگ کو ہی ان حادثات کا ذمہ دار مانتی ہے تاہم مقامی لوگوں کا کہنا ہے کہ تنگ سڑک کی وجہ سے یہ حادثات ہوتے ہیں۔ وہی اگر رپوٹ پر نظر ڈالی جائے تو سڑک حادثات میں جموں کشمیر یونین ٹریٹری میں سنہ 2022 میں دیگر ریاستوں کے مقابلے میں سب سے زیادہ سڑک حادثات ہوئے ہیں۔ اس سال حادثات کی تعداد 6092 تھی جن میں 384 افراد کی موت ہوئی۔ ان چار برسوں میں ان چادثات میں جہاں اموات ہوئی وہیں زخمیوں کی تعداد 8858 ہے۔ ان زخموں میں سنہ 2019 میں 2620، سنہ 2020 میں 1740، سنہ 2021 میں 2175، سنہ 2022 میں 2319 افراد زخمی ہوئے تھے۔
یہ بھی پڑھیں: پونچھ: پولیس کیمپ احاطہ میں پراسرار دھماکہ
جموں کشمیر میں دلدوز سڑک حادثات کو قابو کرنے یا ان کی تعداد کم کرنے کے لئے سرکاروں نے اپنے ادوار میں مختلف کمیٹیاں تشکیل دی تھی جنہوں نے اپنے تجاویز پیش کئے تھے۔ تاہم ان تجاویز کو ردی ٹوکریوں کی نذر کردیا گیا۔ حالیہ ڈوڈہ کے دلدوز ٹریفک حادثے کے بعد جموں کشمیر ہاوئے کوٹ نے بھی ایک کمیٹی تشکیل دی جو ان حادثات کے وجوہات جاننے اور ان کو روکنے پر لائحہ عمل مرتب کرے گی۔ کیا اس کمیٹی کے رپوٹ کو عملی جامہ پہنایا جائے گا یا یہ پرانی رپورٹس کی طرح سرد خانے میں ڈالا جائے گا، یہ موجودہ انتظامیہ کی سنجیدگی پر منحصر ہے۔
