شوپیاں:صوبہ جموں کے پونچھ اور راجوری اضلاع کو جنوبی کشمیر کے شوپیاں ضلع سے جوڑنے والے تاریخی مغل روڈ کو پیر کے روز ٹریفک کی آمدورفت کے لیے بحال کر دیا گیا ہے۔واضح رہے کہ ہفتہ کے روز مغل روڈ پر بارش اور ہلکی برفباری ہونے کے سبب شاہراہ کو حکام نے ٹریفک کی نقل وحمل کے لیے بند کر دیا تھا۔
حکام نے اتوار کے روز شاہراہ پر برف ہٹانے کا کام شروع کیا تھا اور برف ہٹانے کا کام مکمل ہونے کے بعد حکام نے شاہراہ پر گاڑیوں کی آمدورفت بحال کر دی ہے۔
وہیں ٹریفک حکام نے شاہراہ پر گاڑی چلانے والے سے اپیل کی کہ وہ شاہراہ پر پھسلن ہونے کی وجہ سے گاڑی آیستہ سے چلائے اور شاہراہ پر سفر کرنے سے قبل ٹریفک حکام کی جانب سے جاری کردہ ایڈوائزی پر عمل کرے تاکہ اپنی جان کے ساتھ دوسروں کی جان بچ سکے۔ے۔
مزید پڑھیں:
ادھر محکمہ موسمیات کے ایک ترجمان کے مطابق وادی میں 17 سے 24 دسمبر تک موسم خشک رہنے کا امکان ہے۔ان کا کہنا ہے کہ وادی میں گرچہ 24 دسمبر تک موسم وسیع پیمانے پر تبدیلی ہونے کا کوئی امکان نہیں ہے تاہم اس دوران سردیوں میں اضافہ متوقع ہے۔
