جموں و کشمیر کے ضلع سانبہ میں ایک سیٹلائٹ فون سرگرم پایا گیا ہے جس کے بعد سکیورٹی ایجنسیاں الرٹ ہو گئی ہیں۔
ذرائع کے مطابق ضلع سانبہ کے ماہورگڑھ علاقے میں ایک سیٹلائٹ فون سرگرم پایا گیا ہے۔ سکیورٹی فورسز نے گاؤں ماہورگڑھ میں سرچ آپریشن شروع کر دیا ہے اور فون کو بازیاب کرنے کی کوشش جارہی ہے۔
جموں و کشمیر پولیس، اسپیشل ٹاسک فورس نیز فوج نے پورے علاقے میں بڑے پیمانے پر سرچ آپریشن کیا ہے اور سیٹلائٹ فون کو تلاش کرنے کی کوشش کی جارہی ہے۔
سیٹلائٹ فون کے سرگرم ہونے کے بعد سکیورٹی ایجنسیاں اب الرٹ ہوگئی ہیں۔
آپ کو بتادیں کہ گزشتہ ماہ عسکریت پسند سانبہ کے راستے جموں میں داخل ہوئے تھے۔ تاہم سکیورٹی فورسز نے انہیں بن ٹول پلازہ کے قریب ایک تصادم کے دوران ہلاک کیا۔
سکیورٹی اداروں کا کہنا تھا کہ عسکریت پسند سانبہ سے ایک سرنگ کے راستے جموں میں داخل ہوئے تھے۔
