ضلع راجوری کے بلاک ڈونگی میں چلاس کے مقام پر ایک ٹریکٹر حادثے کا شکار ہو گیا جس کے نتیجے میں 2 افراد کی موت واقع ہو گئی۔
اطلاعات کے مطابق زمین جوتتے وقت ٹریکٹر حادثے کا شکار ہو گیا جس کی وجہ سے اس پر سوار دو افراد شدید زخمی ہو گئے۔ زخمی افراد کو مقامی لوگوں اور پولیس نے فوری طور ضلع ہسپتال پہنچایا۔ تاہم دونوں افراد کی راستے میں ہی موت واقع ہو گئی۔
فوت ہونے والے افراد کی شناخت 38سالہ خادم حسین ولد محمدعبد اللہ ساکن چلاس اور محمد الطاف ولد محمد ابراہیم ساکنہ جٹوٹ کے طور پر ہوئی ہے۔
پولیس نے طبی و قانونی لوازمات کے بعد فوت ہوئے افراد کی جسد خاکی کو آخری رسومات کے لیے وارثین کے سپرد کر دیا۔
اس ضمن میں پولیس نے معاملہ درج کرکے مزید کارروائی شروع کر دی ہے۔
