ریاست راجستھان کی کتابوں میں اسلام کو دہشت گرد بتایا جارہا ہے، باقاعدہ جن کتابوں میں اسلام کو دہشت گرد بتایا گیا ہے، وہ تمام کتابیں بازاروں میں مل رہی ہیں، ان کتابوں کا نام 'مہاراجا ون ویک سریز' بتایا جارہا ہے لیکن حکومت ان لوگوں کے خلاف کوئی کارروائی نہیں کررہی ہے۔
مسلم تنظیمیں نے راجستھان حکومت کو انتباہ دیتے ہوئے کہا ہے کہ حکومت ان لوگوں کے خلاف کوئی کارروائی نہیں کرتی ہے تو بڑا احتجاجی مظاہرہ کیا جائے گا۔
اس پورے معاملے کو لے کر راجستھان مسلم پریشد تنظیم کے ریاستی صدر یونس چوبدار کا کہنا ہے کہ پولیس نے کتاب کے مصنف اور تیار کرنے والوں کے خلاف کسی طرح کی کوئی کارروائی نہیں کی ہے۔
انہوں نے کہا کہ اگر پچھلی مرتبہ راجستھان پولیس صحیح طرح سے کام کرتی تو آج دوبارہ سے اس طرح کا معاملہ پیش نہیں آتا۔
- یہ بھی پڑھیں: Rahul Gandhi: لکھنؤ ایئر پورٹ پر روکے گئے راہل گاندھی
واضح رہے کہ ایسا پہلی مرتبہ نہیں ہوا ہے کہ جب کتاب میں اسلام کو دہشت گرد بتایا گیا ہو بلکہ چند ماہ قبل سنجیو پاس بک نام کی ایک کتاب میں مذہب اسلام کو دہشت گرد بتایا گیا تھا اور اسی سے متعلق سوال پوچھے گئے تھے۔
