جے پور: راجستھان کے دارالحکومت جے پور میں واقع متعدد قبرستان خستہ حالی کے شکار ہیں۔ حکومت کی جانب سے قبرستانوں پر خرچ ہونے والے رقم کا صحیح استعمال نہیں ہونے کی وجہ سے جے پور کے قبرستانوں کی حالت مسلسل خراب Dilapidated Condition of Jaipur Cemeteries ہوتی جارہی ہے۔
قبرستانوں میں دروازے نہیں ہونے کی وجہ سے بڑی تعداد میں آوارہ جانور قبرستانوں میں ٹہلتے نظر آتے ہیں۔ وہیں کچھ قبرستان ایسے بھی ہیں جہاں خاردار درخت اگ آئے ہیں جس سے فاتحہ خوانی کے لیے آنے والے لوگوں کو شدید دشواریوں کا سامنا کرنا پڑتا ہے۔
وہیں کچھ قبرستان تو ایسے بھی ہیں جہاں پر ننگے بجلی کے تار گرے پڑے ہیں جس سے ہمیشہ خطرہ بنا رہتا ہے۔ راجستھان کے قبرستانوں کی حالت دیکھ کر ایسا لگتا ہے کہ اگر جلد ان قبرستانوں میں تعمیری کام نہیں کروایا گیا تو یہاں پر مقامی لوگوں کا فاتحہ خوانی کے لیے آنا مشکل ہوگا۔
مزید پڑھیں:
Illegal Occupation of Cemetery land: جے پور میں قبرستانوں کی اراضی پر غیر قانونی قبضہ
اس سلسلے مقامی باشندوں کا کہنا ہے کہ قبرستانوں کی حالات خراب ہونے کی وجہ سے ہم لوگوں کو کافی پریشانیوں کا سامنا کرنا پڑ رہا ہے۔ اس لیے راجستھان حکومت سے ہمارا مطالبہ ہے کہ وہ قبرستانوں کی جانب توجہ دے تاکہ جلد از جلد قبرستانوں کی مرمت ہوسکے۔