ملک کے الگ الگ حصوں میں آج علی الصبح زلزلے کے جھٹکے محسوس کئے گئے۔ راجستھان کے علاوہ میگھالیہ اور لداخ میں بھی لوگوں نے زلزلے کے جھٹکے محسوس کیے۔ راجستھان کے بیکانیر میں جھٹکوں کی شدت 5.3 درج کی گئی ہے۔
راجستھان کے بیکانیر کے علاوہ لیہ۔لداخ علاقہ میں بھی صبح تقریبا 4 بجکر 57 منٹ پر زلزلے کے جھٹکے محسوس کئے گئے۔
اس دوران ریختر پیمانے پر زلزلے کی شدت 3.6 درج کی گئی۔
وہیں، میگھالیہ کے ویسٹ گارو ہلز میں بھی رات 2 بج کر 10 منٹ پر زلزلے کے جھٹکے محسوس کیے گئے۔ ریختر اسکیل پر ان جھٹکوں کی شدت 4.1 درج کی گئی۔
مزید پڑھیں:آسام، بہار اور مغربی بنگال میں زلزلے کے جھٹکے
واضح رہے کہ 18 جولائی کو گجرات کے کچھ علاقہ میں زلزلے کے جھٹکے محسوس کئے گئے تھے۔ ریختر پیمانے پر اس کی شدت 3.9 درج کی گئی تھی۔
