سرینگر: جنوبی کشمیر کے ضلع پلوامہ کے اونتی پورہ علاقے میں ایک دلدوز سڑک حادثے میں ایک پولیس اہلکار کی موت واقع ہوگئی۔ ذرائع نے بتایا کہ اونتی پورہ کے سمبورہ علاقے میں سرینگر- جموں قومی شاہراہ پر ایک آلٹو گاڑی ڈیوائڈر سے ٹکرا کر پلٹ گئی جس کے نتیجے میں گاڑی کا ڈرائیور شدید زخمی ہوگیا۔ انہوں نے کہا کہ زخمی ڈرائیور کو فوری طور پر سب ضلع ہسپتال پامپور پہنچایا گیا جہاں ان کو مردہ قرار دیا گیا۔ Accident on Srinagar Jammu National Highway
متوفی کی شناخت بشیر احمد کچھے ولد غلام محی الدین کچھے ساکن نیگو بیروہ بڈگام کے بطور ہوئی ہے جو جموں وکشمیر پولیس میں کانسٹیبل کی حیثیت سے تعینات تھا۔ دریں اثنا پولیس نے اس ضمن میں ایک کیس درج کرکے تحقیقات شروع کی ہیں۔
یہ بھی پڑھیں: Kishtwar Road Accident کشتواڑ سڑک حادثہ میں ایک ہلاک دو زخمی
یو این آئی
