ضلع پلوامہ کے پائر علاقے میں واقع گورنمنٹ ہائی اسکول میں اچانک آگ نمودار ہوئی جس نے آنا فاناً پوری عمارت کو اپنی زد میں لے لیا۔
فائز اینڈ ایمرجنسی عملہ کے پہنچنے سے قبل ہی مقامی باشندوں نے بر وقت کارروائی کرتے ہوئے آگ کو مزید پھیلنے سے روک لیا۔
آگ کی ہولناک واردات میں لاکھوں روپے مالیت کی املاک تباہ ہو گئی، تاہم مقامی نوجوان عمارت میں موجود اسکول ریکارڈ کو بچانے میں کامیاب ہو گئے۔
مقامی باشندوں نے آگ کی وجہ سے ہوئے نقصان کو ملی و قومی نقصان قرار دیا۔ انہوں نے کہا: ’’آگ کی واردات کے سبب اسکولی عمارت تباہ ہو گئی، جو محکمہ تعلیم ہی نہیں بلکہ پورے قوم کے لئے نقصان ہے۔‘‘
مزید پڑھیں: پلوامہ: خود کے ساتھ دوسروں کو روزگار کے مواقع فراہم کرانے والی گلشن اختر
محمکہ تعلیم کے ایک افسر نے فون پر تفصیلات فراہم کرتے ہوئے کہا کہ ’’آگ لگنے کی اصل وجہ معلوم نہیں ہو سکی ہے تاہم عمارت پوری طرح سے خاکستر ہو چکی ہے۔‘‘
پولیس اسٹیشن پلوامہ نے اس ضمن میں کیس درج کرکے مزید تحقیقات شروع کر دی ہے۔
