سی آر پی ایف کی 183 بٹالین کی جانب سے ضلع پلوامہ کے ستھرگنڈ کاکاپورہ علاقے کے گورنمنٹ مڈل سکول میں طبی کیمپ کا اہتمام کیا گیا۔ طبی کیمپ میں کاکاپورہ سمیت ملحقہ علاقوں سے آئے درجنوں مریضوں کو مفت معائنہ کیا گیا۔ طبی کیمپ کے دوران معالجین نے نہ صرف مریضوں کی تشخیص کی بلکہ مفت ادویات بھی تقسیم کی گئیں۔ CRPF Organised Medical Camp in Pulwama
مقامی لوگوں نے اطمینان کا اظہار کرتے ہوئے کہا کہ میڈیکل کیمپ میں ہر مریض کا بہتر ڈھنگ سے علاج کیا گیا جب کہ ادویات بھی مفت فراہم کی گئیں۔ انہوں نے سی آر پی ایف کی کاوشوں کی سراہنا کرتے ہوئے کہا کہ اس طرح کے پروگرامز سے غریبوں کو بڑی حد تک راحت ملے گی۔ مقامی باشندوں نے مستقبل میں بھی اس طرح کے مزید پروگرامز کے انعقاد کی امید ظاہر کی۔
سی آر پی ایف کی 183بٹالین کے کمانڈنگ آفیسر آر ڈی جینی انال نے ای ٹی وی بھارت کے ساتھ بات کرتے ہوئے کہا کہ سی آر پی ایف کی جانب سے اس سے قبل بھی کئی علاقوں میں میڈیکل کیمپس کا انعقاد عمل میں لایا گیا۔ انہوں نے کہا کہ عوام کو راحت پہنچانے کی غرض سے اس طرح کے پروگرامز کا انعقاد کیا جاتا ہے۔ کاکاپورہ میں منعقد کیے گئے طبی کیمپ میں لوگوں کی کثیر تعداد میں شرکت پر انہوں نے خوشی کا اظہار کرتے ہوئے کہا کہ ’’اس سے ظاہر ہوتا ہے کہ عوام اور سی آر پی آیف کے درمیان تعلقات بہتر ہیں۔‘‘ Medicine Distributed Free During Medical camp at Pulwama
