پلوامہ: نیشنل ٹیسٹنگ ایجنسی (این ٹی اے) نے 13 جون کو قومی اہلیت کے ساتھ داخلہ ٹیسٹ کے نتائج کا اعلان کیا گیا۔ کامیاب امیدواروں میں سے عمر احمد گنائی بھی شامل تھے جو ضلع پلوامہ کے زگیگام گاؤں سے تعلق رکھتے ہیں۔ عمر اپنے خاندان کی کفالت کے لیے پینٹر کے طور پر کام کر رہا ہے۔ اس نے ٹیسٹ میں 601 نمبر حاصل کیے جو ایک قابل تعریف ہے۔ یہ کامیابی خود مطالعہ، محنت، لگن اور استقامت کی وجہ سے ممکن ہوئی۔ عمر نے بتایا کہ کبھی کسی کوچنگ انسٹی ٹیوٹ میں داخلہ نہیں لیا، چاہیے وہ 11ویں، 12ویں جماعت ہو یا پھر نیٹ ہو۔
عمر کے اہل خانہ کو مقامی لوگوں کے ذریعہ اطلاع ملی کہ ان کے بیٹے نے نیٹ میں کامیابی حاصل کی ہے، جو کہ ملک بھر میں MBBS اور BDS کالجوں میں داخلے کے لیے واحد داخلہ ٹیسٹ ہے۔ نیٹ کا امتحان دینے کے بعد، عمر ایک مقامی پینٹر کے ساتھ جڑ گیا جس نے اسے کام دینے میں مدد کی کیونکہ وہ اپنے خاندان کی کفالت کرنا چاہتا تھا۔
عمر نے پڑھائی چھوڑنے کا فیصلہ کر لیا تھا کیونکہ وہ 12ویں کلاس کے بعد کالج کے لیے رجسٹریشن اور دیگر اخراجات برداشت کرنے کی حالت میں نہیں تھا۔ امتحان میں اس کی غیر معمولی کارکردگی اس کے علم، ہنر، اور اس کی پڑھائی سے وابستگی کی عکاس ہے۔ اس نے زبردست عزم اور توجہ کا مظاہرہ کیا ہے۔ رشتہ داروں کا کہنا ہے کہ سخت حالات کے باوجود اس کی کامیابی قابل ستائش ہے۔
مزید پڑھیں: South Kashmir’s NEET Topper: نیٹ ٹاپر عبد الباسط نے طلبہ کو دیا مشورہ
یہ بات قابل زکر ہے کہ ضلع پلوامہ کے چیوہ کلاں گاؤں کے ایک اور امیدوار عبدالباسط نے جموں و کشمیر سے پہلی پوزیشن حاصل کی۔ آل انڈیا رینکنگ میں باسط نے 113 واں رینک حاصل کیا ہے۔
