پوری وادی کی طرح سب ضلع ترال میں بھی دو دن سے بارش وقفے وقفے سے جاری رہی، جس کے سبب پورے علاقے میں سردی میں اضافہ درج کیا گیا۔ اس بارش کے موسم میں لوگ گرم ملبوسات پہننے پر مجبور ہو گئے، تاہم بارش کی وجہ سے مجموعی طور پر لوگوں نے گرمی سے راحت کی سانس لی اور کسانوں نے بارشوں کو خوش آئند قرار دیا، کیونکہ ان کے مطابق بارش سے کھڑی فصلوں اور میوہ جات کو فائدہ ہو سکتا ہے۔Farmers Happy Over Rain in Tral
ای ٹی وی بھارت کے ساتھ بات کرتے ہوئے ایک مقامی شہری اجل سنگھ نے بتایا کہ لمبے عرصے کے بعد ہوئی بارش نے کسانوں کے چہرے پر مسکان لائی ہے کیونکہ بارش نہ ہونے کی وجہ سے خشک سالی پیدا ہو گئی تھی اور کھیت سوکھ گئے تھے، تاہم اللہ تعالیٰ نے رحمت باراں برسا کر ہمارے کھیت شاداب کر دیے، جس کے لیے ہم اللہ تعالیٰ کے شکر گزار ہیں اور ہمیں امید ہے کہ اب ہمارے کھیت سرسبز شاداب رہیں گے۔
