منڈی: جموں و کشمیر کے ضلع پونچھ کے تحصیل منڈی میں ہزاروں کی تعداد میں عقیدت صبح سے ہی بدھا امر ناتھ منڈی مندر میں پہنچے جہاں پوجا کی گئی اور پھر عقیدت مندوں نے بدھا امر ناتھ کے درشن بھی کیے۔ اس حوالے سے بدھا امر ناتھ کمیٹی کے کارکنان نے بھارت کے لوگوں کو مہا شیوراتری کی مبارک باد دی۔ بدھا امر ناتھ کمیٹی کے کارکنان نے کہا کہ موسمی حساب سے کال راتری کا دن ختم ہوتا ہے اور شیوراتری کا دن شروع ہوتا ہے۔ اور کال راتری کے دوران بہت ساری بیماریاں ہوتی ہیں بہت سی اموات واقع ہوتی ہے۔ اس کے علاوہ برفباری اور شدت کی ٹھنڈ بھی ہوتی ہے۔ انہوں نے بتایا کہ آج کے دن سے ہی موسم گرما کے پہلے دن کا آغاز ہوتا ہے۔
انہوں نے اس دن کو شوپاروتی سے تعبیر کرتے ہوئے کہا کہ اس دن شوپاروتی کا ویواہ ہوا ہے۔ انہوں نے مزید کہا کہ اس دن کے موقع پر رات میں پوجا بھی ہوگی اور ملک میں سلامتی، امن، سکون، بھائی چارہ، قائم رہے اس کے لیے خصوصی دعائیں بھی کی جائیں گی۔ واضع رہے کہ تحصیل منڈی کے علاوہ ضلع پونچھ میں بھی مہا شیوراتری کا تہوار بڑیے دھوم دھام کے ساتھ منایا گیا جہاں پر ہزاروں کی تعداد میں عقیدت مند مندر پہنچے اور بھگوان کے درشن کیے ۔ یاد رہے جہاں ایک جانب ضلع پونچھ کے کئی مندروں میں مہاشیوراتری دھوم دھام کے ساتھ منائی گئی اور عقیدت مندوں کے لیے کافی انتظامات کیے گیے۔ وہیں بدھا امر ناتھ منڈی میں آئے ہوئے عقیدت مندوں کے لیے کھانے پینے اور رہنے کے مکمل انتظامات کیے گیے تھے۔
یہ بھی پڑھیں : Kashmir Administrative Service پونچھ میں کے اے ایس کامیاب امیدواروں کو اعزاز سے نوازا گیا
