باری پاڑا: صدر جمہوریہ ہند دروپدی مرمو میور بھنج اور سنبل پور اضلاع میں سرکاری پروگرامز کی ایک سیریز میں شرکت کے لیے اوڈیشہ کے اپنے تین روزہ دورے پر آج باری پاڑا شہر پہنچ گئیں ہیں۔ صدر جمہوریہ ہند دروپدی مرمو کو لے جانے والا فضائیہ کا ایک خصوصی طیارہ بحفاظت باری پاڑا پر اترا۔ اس موقع پر اوڈیشہ کے گورنر شری رگھوبر داس نے باری پاڑا پہنچنے پر صدر ہند دروپدی مرمو کا پرتپاک استقبال کیا۔

صدر جمہوریہ ہند باری پاڑا میں ’آل اوڈیشہ سنتالی ایسوسی ایشن‘ کے 36ویں سالانہ کانفرنس اور ادبی میلے کے افتتاحی اجلاس میں شرکت کے لیے ایئرپورٹ سے ہی روانہ ہوگئیں۔ شیڈول کے مطابق آج صدر مرمو کولیانہ میں ایکلویہ ماڈل رہائشی اسکول کا بھی افتتاح کریں گے۔ صدر جمہوریہ ہند دروپدی مرمو 21 نومبر کو پہاڑ پور گاؤں میں اسکل ٹریننگ سینٹر کا بھی افتتاح کریں گی۔ اس کے بعد دروپدی مرمو بادم پہار ریلوے اسٹیشن کا دورہ کریں گی جہاں سے وہ تین نئی ٹرینوں (بادم پہار۔ ٹاٹا نگر، بادم پہار-رورکیلا ہفتہ وار ایکسپریس اور بدم پہار- شالیمار ہفتہ وار ایکسپریس) کو جھنڈی دکھائے گی۔ اسی شام کو صدر جمہوریہ ویر سریندر سائی یونیورسٹی آف ٹیکنالوجی، برلا کے 15ویں سالانہ کانووکیشن میں شرکت کریں گے۔

مزید پڑھیں: کیا سپریم کورٹ سے اوپر کوئی عدالت ہے، چیف جسٹس صاحب، بتائیں کہ لوگ کہاں جائیں، صدر دروپدی مرمو

صدر جمہوریہ ہند 22 نومبر کو سمبل پور میں برہما کماری کے زیر اہتمام منعقد ہونے والی قومی تعلیمی مہم۔ نئے ہندوستان کے لیے نئی تعلیم کا آغاز کریں گے۔ بعد ازاں صدر جمہوریہ آندھرا پردیش میں پوٹا پرتھی جائیں گی جہاں وہ سری ستھیا سائی انسٹی ٹیوٹ آف ہائر لرننگ کے 42ویں کانووکیشن میں شرکت کریں گی۔ اور طلبہ سے خطاب کریں گی۔