ملک کی مختلف ریاستوں میں پی ایف آئی کے سینکڑوں کارکنان کو این آئی اے اور اے ٹی ایس نے اپنی گرفت میں لیا ہے ۔پی ایف آئی کے کارکنان پر ٹیرر فنڈنگ، ملک کا امن خراب کرنا اور مختلف الزامات عائد کئے گئے ہیں۔پی ایف آئی کے کارکنان کے خلاف کارروائی پر مسلم تنظیموں نے کڑی مذمت کی ہے ۔Muslim Nomainda council Condemn PFI members Arrested
اورنگ آباد میں مسلم نمائندہ کونسل کے ذمہ دار ضیاء الدین صدیقی نے پریس کانفرنس کو خطاب کرتے ہوئے کہا کہ اورنگ آباد میں پی ایف آئی کے چار کارکنان پر کارروائی ہوئی ہے۔ وہ بے بنیاد ہے۔ ان کارکنان پر جو دفعات عائد کئے گئے وہ بے بنیاد ہیں۔ممبئی اے ٹی ایس کے پاس ان کے خلاف کیا پختہ ثبوت ہے۔اس کا خلاصہ کرنا چاہئے۔
مسلم نمائندہ کونسل کے ذمہ داروں کا کہنا ہے کہ حکومت اس طرح کے قانون کا غلط استعمال کر رہی ہے۔بے گناہوں پر بلاوجہ دفعات عائد کئے جارہے ہیں۔ اگر ان لوگوں نے کوئی گناہ کیا ہے تو ان کے خلاف قانونی کاروائی کی جا سکتی ہے مگر انہیں دہشت گرد نہیں کہا جا سکتا۔ ان پر یو اے پی اے قانون نافذ کرنا بالکل غلط ہے۔
یہ بھی پڑھیں:Kerala Bandh پی ایف آئی کے کیرالہ بند کے دوران 170 گرفتار
ضیاء الدین صدیقی کا کہنا ہے کہ ہمارے سامنے دو طرح کا قانون پیش کیا جا رہا ہے۔ نوپور شرما کے خلاف ایف آئی آر درج ہونے کے بعد بھی اسے گرفتار نہیں کیا گیا اور دوسری طرف کوئی ایف آئی آر نہیں ہونے کے باوجود پی ایف آئی کے کارکنان کو گرفتار کیا جا رہا ہے۔Muslim Nomainda council Condemn PFI members Arrested
