ممبئی: ممبئی کے وانکھیڈے اسٹیڈیم میں کھیلے گئے آئی پی ایل کے 69ویں میچ میں IPL 2022 69TH MATCH ممبئی انڈینز (MI) نے دہلی کیپٹلس پانچ وکٹ سے شکست دے دی۔ جسپریت بمراہ کی شاندار گیند بازی جس کے لیے انہیں 'پلیئر آف دی میچ' قرار دیا گیا اور ایشان کشن (48) اور ٹم ڈیوڈ (34) کی شاندار بلے بازی کی بدولت ممبئی انڈینز (MI) نے دہلی کیپٹلز (DC) کو پانچ وکٹوں سے ہرا دیا۔ دہلی نے 20 اوور میں سات وکٹ کے نقصان پر 159 رن بنائے تھے۔ ممبئی کی اس جیت کے ساتھ ہی دہلی کا سفر بھی ختم ہوگیا اور بنگلور کی ٹیم کو 16 پوائنٹس کے ساتھ پلے آف میں بیک انٹری مل گئی ہے۔ Mumbai Beat Delhi But Bangalore Reached the Playoffs
دہلی کیپٹلس کو ڈی آر ایس نہ لینے کی وجہ سے سخت دھچکا لگا جب ٹم ڈیوڈ کا کھاتہ نہیں کھلا تھا لیکن ڈیوڈ نے اس نئی زندگی کا پورا فائدہ اٹھاتے ہوئے صرف 11 گیندوں میں چار چھکوں کی مدد سے 34 رنز بنائے اور ممبئی نے دہلی کو سنیچر کو پانچ وکٹ سے ہراکر رائل چیلنجرز بنگلور کو آئی پی ایل کے پلے آف میں پہنچادیا۔ اس طرح ممبئی انڈینز (MI) کے ساتھ ساتھ دہلی کیپٹلس کا بھی آئی پی ایل کا سفر یہیں پر ختم ہوگیا۔
دہلی نے روومن پاول (43)، رشبھ پنت (39) اور اکشر پٹیل (ناٹ آؤٹ 19) کی کارآمد اننگز کی مدد سے 20 اوور میں سات وکٹ پر 159 رن کا چیلنجنگ اسکور بنایا لیکن ممبئی نے 19.1 اوور میں پانچ وکٹ پر 160 رن بنا کر ہرا دیا۔ ممبئی نے اس طرح اپنی مہم کا اختتام جیت کے ساتھ کیا۔ ممبئی کی جیت نے بنگلورو کو چوتھی ٹیم کے طور پر پلے آف میں پہنچا دیا۔
ٹاس ہارنے کے بعد پہلے بلے بازی کرنے والی دہلی کی شروعات خراب رہی اور اس نے 50 رن کے راستے میں ہی اپنے چار وکٹ گنوا دیئے۔ اس میں پرتھوی شا کے 23 گیندوں پر 24 رنز شامل تھے۔ لیکن اس کے بعد پاول اور پنت نے پانچویں وکٹ کی شراکت میں 75 رنز جوڑ کر ٹیم کو کسی حد تک سنبھالا۔ پنت نے 33 گیندوں پر 39 رن میں چار چوکے اور ایک چھکا لگایا جب کہ پاول نے 34 گیندوں پر 43 رن میں ایک چوکا اور چار چھکے لگائے۔ پٹیل نے 10 گیندوں پر دو چھکوں کی مدد سے ناٹ آؤٹ 19 رن بنا کر دہلی کو فائٹنگ اسکور تک پہنچا دیا۔ ممبئی کی جانب سے جسپریت بمراہ 25 رن پر تین وکٹیں لے کر سب سے کامیاب رہے جب کہ رمندیپ سنگھ نے 29 رن پر دو وکٹیں حاصل کیں۔ آئی پی ایل کا یہ کاررواں اپنی آخری منزل کی جانب رواں دواں ہے۔
یہ بھی پڑھیں:
قبل ازیں دہلی کی شکست خوردہ اننگز کو کپتان رشبھ پنت اور روومن پاول نے آگے بڑھایا اور ٹیم کے لیے کچھ اہم رنز بنائے۔ اس دوران دونوں نے کچھ اچھے شاٹس لگائے کیونکہ دہلی نے 15 اوور کے بعد چار وکٹ کے نقصان پر 106 رن بنائے تھے لیکن 16 ویں اوور میں رمندیپ کی گیند پر کپتان پنت (33 گیندوں پر 39) کے ہاتھوں کیچ ہو گئے۔ اس کے ساتھ ہی ان کے اور پاول کے درمیان 44 گیندوں میں 75 رنز کی شراکت کا خاتمہ ہوا۔ ساتویں نمبر پر آنے والے اکشر پٹیل نے پاول کے ساتھ مل کر تیز رفتاری سے رنز بنائے۔ اسی دوران 19 واں اوور کرنے آئے بمراہ کی گیند پر پاول 34 گیندوں میں ایک چوکے اور چار چھکوں کی مدد سے 43 رنز بنانے کے بعد بولڈ ہو گئے، جس کی وجہ سے دہلی کے چھ وکٹ 146 رنز پر گر گئے۔ اس کے بعد، 20 ویں اوور میں، رمندیپ نے شاردول (4) کو صرف 11 دے دیا، کیونکہ دہلی نے سات وکٹوں کے نقصان پر 159 رنز بنائے تھے۔ اکشر (10 گیندوں میں 19 رن) اور کلدیپ یادو (1) ناٹ آؤٹ رہے۔ آج ممبئی کے وانکھیڈے اسٹیڈیم میں ہی 70thویں میچ میں حیدرآباد اور پنجاب کی ٹیمیں آمنے سامنے ہوں گی اور اپنی ساکھ کو بچانے کی کوشش کریں گی۔
