بھوپال: آزادی کے 75 سال مکمل ہونے پر ملک بھر میں 'آزادی کا امرت مہوتسو' منایا جا رہا ہے، اس مہم میں مدارس کے طلبا بھی پیش پیش ہیں اور جوش و خروش سے اس مہم میں حصہ لے رہے ہیں۔ ریاست مدھیہ پردیش کے دارالحکومت بھوپال کے طوبی انسٹی ٹیوٹ اینڈ مورل ایجوکیشن جو ایک مدرسہ بھی ہے، یہاں سے طلباء نے مسجد وسیلہ سے ترنگا ریلی نکالی، یہ ریلی مسجد وسیلہ سے ہوتے ہوئے سیونیا تھانے پہنچی، جہاں مدارس کے طلباء نے تھانے کے اعلی افسران اور پولیس اہلکاروں کو پھول پیش کیا تو وہیں پولیس کے نوجوانوں نے بھی ان طلباء کو مٹھائیاں کھلائیں۔ Madrasah students organized a Tiranga rally
مزید پڑھیں:'آزادی کا جشن ہمارے لیے عبادت کی طرح ہے'
وہیں تھانے کے انچارج سنجیو چوکسے نے مدرسے کے طلباء کا ملک کے تئیں جذبہ دیکھ کر خوشی کا اظہار کیا اور کہا کی یہ بہت اچھا قدم ہے، کیونکہ جس طرح کی محبت ملک کے لیے ان بچوں کی ہے یہ طلباء ملک کا نام روشن کریں گے۔ طوبی انسٹی ٹیوٹ اینڈ مورل ایجوکیشن کے بچوں کے ایک ہاتھ میں قرآن ہے تو دوسرے ہاتھ میں لیپ ٹاپ ہے جو کافی اچھی بات ہے۔ Tiranga rally in Bhopal by Madrasa Stidents
