بھوپال: رکن اسمبلی عارف مسعود نے یتیم بچوں کی مدد کا اعلان کیا

عالمی وبا کورونا وائرس کی دوسری لہرسے کثیر تعداد میں لوگوں کی موت ہوئی تھی، جس کی وجہ سے بڑی تعداد میں بچے یتیم ہوئے تھے۔

ریاست مدھیہ پردیش سمیت ملک کی متعددریاستوں میں کورونا نے قہر برپا کیا تھا۔ مدھیہ پردیش میں ہزاروں لوگوں کی جانیں گئی تھیں اور کئی بچے یتیم ہوگئے تھے-

ریاست کے وزیر اعلی شیو راج سنگھ چوہان نے اعلان کیا تھا کہ ان یتیم بچوں کے کھانے پینے سے لے کر ان کی تعلیم و تربیت کا انتظام حکومت کی جانب سے کیا جائے گا۔ مگر حکومت کا یہ وعدہ تاحال پورا نہیں کیا گیا۔

ریاست کے دارالحکومت بھوپال کے مرکزی حلقے کے رکن اسمبلی عارف مسعود نے حکومت کے رویے کی مذمت کرتے ہوئے کہا کہ کہ وہ اپنے اسمبلی حلقے کے یتیم بچوں کی تعلیم و تربیت کے ساتھ ساتھ ان کی ہر طرح سے مدد کریں گے۔