شمالی کشمیر کے کپوارہ ضلع میں پیر کی صبح لنگیٹ علاقے میں نالہ ماور میں 37سالہ شخص پھسل کر غرقاب ہو گیا۔Man slips to Death in Nallah Mawar غرقاب ہوئے نوجوان کی شناخت آستان محلہ، لنگیٹ سے تعلق رکھنے والے محمد امید بٹ ولد غلام محی الدین بٹ کے طور پر ہوئی ہے۔
محمد امین کے غرقاب ہونے کی خبر جنگل کے آگ کی طرح پھیل گئی اور مقامی باشندوں کی خاصی تعداد جمع ہوئی۔ پولیس اور انتظامیہ کو مطلع کیے جانے کے بعد ایس ڈی آر ایف کی ٹیم نے لاش کو بازیاب کرنے کے لیے ریسکیو آپریشن شروع کر دیا۔
نائب تحصیلدار نے میڈیا نمائندوں کے ساتھ بات کرتے ہوئے کہا کہ ایس ڈی آر کی ٹیم غرقاب شخص کو بازیاب کرنے میں جٹی ہے تاہم شدید بارشوں کے سبب انہیں کافی رکاوٹوں کا سامنا کرنا پڑ رہا ہے۔
مزید پڑھیں: Driver's Body Fished out from Chenab: غرقاب ڈرائیور کی لاش ایک ماہ بعد برآمد
مقامی باشندوں کے مطابق نالہ ماور میں اس سے قبل بھی اس طرح کے واقعات رونما ہوئے ہیں، انہوں نے الزام عائد کرتے ہوئے کہا کہ نالہ سے غیر قانونی طور ریت اور باجری نکلانے کا سلسلہ جاری ہے جس کے سبب نالہ ماور کے کناروں پر کافی پھسلن پیدا ہو چکی ہے، جس کے سبب یہ حادثات رونما ہوتے رہتے ہیں۔
