ای ٹی وی بھارت کی خبر کا اثر

جموں و کشمیر کے ضلع کولگام کے گوجرپورہ نورآباد علاقے میں گزشتہ دنوں ای ٹی وی بھارت نے زمین کھسکنے کے تعلق سے ایک خبر چلائی تھی جس میں علاقے کے لوگوں نے انتظامیہ سے گزارش کی تھی کہ وہ علاقے میں ہو رہی تباہی کا معائنہ کرے۔ اس خبر کا اثر یہ ہوا کہ علاقے کے ڈی سی نے یہاں کا دورہ کیا۔

ڈی سی کولگام شوکت اعجاز بٹ نے آج ضلع انتظامیہ کے آفسران کے ہمراہ گوجرپورہ نورآباد کا دورہ کیا جہاں حالیہ دنوں زمین کھسکنے کے واقعات میں کئی رہایشی مکانات تباہ ہو گئے تھے۔

ڈی سی نے آفسران کو ہدایت دی کہ وہ حالات پر بدستور نظر رکھیں اور جائزہ لیں۔ ضلع ترقیاتی کمشنر کے ہمراہ ایڈیشنل ڈپٹی کمشنر شبیر احمد، ایڈیشنل ڈپٹی ڈیولپمنٹ ریاض احمد صوفی موجود تھے۔

انہوں نے مقامی باشندوں کو یقین دلایا کہ انتظامیہ ان کے ساتھ ہے اور ہر ممکنہ مدد کے لیے تیار ہے۔ انہوں نے بعد میں ایس ڈی ایم آفیس دمحال، ہانجی پورہ اور اڈیجن پُل پر ہو رہے کام کا بھی جائزہ لیا۔

اعجاز بٹ نے آفسران کو ہدایت دی کہ وہ کام کو تیز رفتاری سے کریں تاکہ سارے پروجکسٹوں کو جلد از جلد عوام کے نام وقف کیا جائے۔