جموں و کشمیر کے سرحدی ضلع کشتواڑ میں پولیس نے ایک عسکریت پسند کو گرفتار کرنے کا دعویٰ کیا ہے۔ کشتواڑ پولیس نے بیان جاری کرتے ہوئے کہا کہ عسکریت پسند سہیل احمد بھٹ ولد نور محمد بھٹ ساکن باتھری گندو کشتواڑ میں بڑی سازش کرتے ہوئے گرفتار کیا گیا۔
انہوں نے بتایا کہ ایس ایس پی کشتواڑ کو خفیہ اطلاع ملی تھی جس کے بعد کشتواڑ میں سیکورٹی فورسز کو ہائی الرٹ پر رکھا گیا تھا۔
انہوں نے بتایا کہ کشتواڑ کے درابشلہ میں پولیس کے ساتھ ساتھ 26 راشٹریہ رایفلز اور سی آر پی ایف 52 بٹالین نے مشترکہ طور پر آپریشن شروع کیا اور کشتواڑ کے درابشلہ قومی شاہراہ پر سہیل احمد کو ایک ہینڈ گرینیڈ کے ساتھ گرفتار کر لیا۔
یہ بھی پڑھیں: ہلاکتوں میں ملوث افراد کی گرفتاری نہ ہونا تشویشناک: غلام نبی آزاد
سہیل احمد بھٹ کے خلاف ایف آئی آر نمبر 235/2021 کے تحت مقدمہ درج کیا گیا ہے۔
