کرناٹک کے ضلع یادگیر میں کسان حامی تنظیموں کی جانب سے زبردست احتجاج منظم کیا گیا۔ کرناٹک راجیہ رائتو سنگھ، کرناٹک کسان کھیتی سنگھ، آل انڈیا یونائیٹڈ ٹریڈ یونین سنٹر یادگیر اور دیگر کسان حامی تنظیموں نے احتجاج میں حصہ لیا۔
شہر کے سنٹرل بس اسٹینڈ، شاستری چوک، سبھاش چوک، گاندھی چوک تک احتجاجی ریلی نکالی گئی، جس میں کسان حامی تنظیموں نے حصہ لیا۔
اس موقع پر کانگریس کسان مورچہ کے صدر مانک ریڈی ضلع یادگیر نے کہا کہ گزشتہ نو مہینوں سے دہلی میں کسان تین زرعی قوانین کے خلاف مرکزی حکومت سے زرعی قوانین کو رد کرنے کے خلاف میں احتجاج کر رہے ہیں، مگر مرکزی حکومت ان کے مسائل کو حل کرنے کےلیے کچھ نہیں کررہی ہے۔
انہوں نے کہا کہ ملک میں آئے دن پٹرول، ڈیزل اور پکوان گیس کی قیمتوں میں اضافہ ہو رہا ہے۔انھوں نے کہا آج ملک گیر سطح پر بھارت بند کے تحت ضلع یادگیر میں بھی کسان حامی تنظیمیں تین زرعی قوانین اور مہنگائی کے خلاف احتجاج میں شامل ہوئے۔
