ریاست کرناٹک میں حال ہی میں بی جے پی کی اقتدار والی ریاستی حکومت کی جانب سے ٹرانسپورٹ کارپوریشن کی بسوں کے کرایہ میں %12 اضافہ کیا گیا۔ بس کرایہ میں کیے گئے اس اضافے کے خلاف شہر کے ٹاون ہال کے سامنے ایس یو سی آئی (کمیونسٹ) نے ایک احتجاج منعقد کیا اور حکومت سے مطالبہ کیا کہ اس اضافے کو فوری طور پر واپس لیا جائے۔
بس کرایہ میں اضافے کے خلاف احتجاج
احتجاجیوں نے کہا کہ کرایہ میں اضافے سے مزدور و غریب طبقہ کو کافی پریشانی لاحق ہوگی جو ہر دن اپنے کام کے سلسلے میں سرکاری بسوں میں سفر کرتے ہیں۔ ایس یو سی آئی کے اراکین نے کہا کہ وہ اس سلسلے میں وزیر اعلیٰ کو ایک میمورنڈم بھی سوپیں گے۔
