ریاست کرناٹک کے شہر گلبرگہ میں پولیس کی جانب سے سختیاں کی جارہی ہیں۔ شہر میں مسلسل ہورہے سڑک حادثوں کی روک تھام کے لئے گلبرگہ ٹریفک پولیس نے شہر میں جگہ جگہ راستوں پر ٹووہیلر،فوروہیلر گاڑیاں چلانے والوں کو لائسنس، انشورینس اور ہیلمیٹ پہن کر چلانے کے لئے عوامی بیداری چلارہی ہے۔ ساتھ ہی بغیر لائسنس ،ہیلمیٹ، انشورنس کے گاڑیاں چلانے والوں سے جرمانہ وصول کیا جار ہا ہے۔
اس موقع پر ٹریفک انسپکٹر محترمہ بھارتی نے کہا کہ ٹریفک قانون عوام کی حفاظت کے لئے ہوتی ہے ۔اس لئے عوام کو ٹریفک قانون پر عمل کرنا چاہئے ۔اگر کو ئی ٹریفک قانون کی خلاف ورزی کر تا ہے ۔تو اس کے خلاف سخت کاروائی کی جائے گی۔
اس لئے جو بھی گاڑیاں چلانے والے افراد ہیں۔ وہ انشورنس ،لائسنس، ہیلمیٹ کا استعمال کر یں ۔گاڑی چلاتے وقت ٹریفک سگنل پر عمل کر یں ۔اور والدین اپنے چھوٹے بچوں کو بغیر لائسنس کے گاڑیاں چلانے سے منع کر یں ۔
