کرناٹک کے شہر گلبرگہ میں کسان تنظیموں نے بھارت بند کال پر مرکزی حکومت کے احتجاجی مظہارہ کیا۔
ایک کسان تنظیم کے رکن مولیٰ ملا نے کہا کہ کسان زرعی قوانین کے خلاف گذشتہ چار ماہ سے دہلی پر دھرنے پر بیٹھے ہوئے ہیں۔ لیکن مرکزی حکومت اپنی من مانی کر رہی ہے۔
انہوں نے کہا کہ کسان کی محنت سے پورے ملک کو اناج ملتا ہے، باوجود اس کے مرکزی حکومت کسان پر زور و ظلم کرتی ہی جارہی ہے۔ ملک کے کسان کو مرکزی حکومت غلامی کی طرف لے جارہی ہے۔ کسان آزاد ہے، ہمیشہ آزاد رہے گا۔
انہوں نے مزید کہا کہ ملک میں مرکزی حکومت ہر شعبے کو نجی ہاتھوں میں دینے کی کوشش کر رہی ہے۔ ملک میں کورنا کے نام پر عوام کو گمراہ کر نے کی کوشش کی جارہی ہے۔
مرکزی حکومت کی مخالفت کرنے والوں کو نشانہ بنا کر مقدمہ درج کر نے کی بھی کوشش کی جارہی ہے۔ آج گلبر گہ میں کسانوں کی حمایت میں احتجاج کرنے والوں کو گرفتار کیا جا رہا ہے۔ اس باوجود کسان اپنے حقوق کے لیے اپنی آوازیں بلند کرتے رہیں گے۔
