ریاست کرناٹک کے دارلحکومت بنگلور میں حال ہی میں 'نا نایکی' (میں نایکی ہوں) پرو گرام منعقد ہوا۔ اس تقریب سے متعلق معروف سماجی کار کن و کانگریس رہنما سیما کوثر نے سنگین سوال اٹھایا۔ انہوں نے کہا کہ کانگریس کے خواتین کے پروگرام میں مسلم خواتین کو حصہ داری نہیں دی گئی جو کہ قابل مذمت ہے. سیما کوثر نے میڈیا کو بتایا کہ مذکورہ پروگرام میں کانگریس کی رکن اسمبلی کنیز فاطمہ کو کانگریس کی قیادت و پرینکا گاندھی کی جانب سے نظر انداز کیا گیا اور کانگریس کی سابقہ وزیر نفیسہ فضل کی بھی توہین کی گئی جو کہ ناقابل قبول ہے۔
واضح رہے کہ رہے کہ اسی ماہ 16 جنوری کو دارالحکومت بنگلور کے پیلیس گراؤنڈز میں نا نایکی کے عنوان پر ایک بڑے پیمانے پر خواتین کے پروگرام کا انعقاد کیا گیا تھا جس میں ہزاروں کی تعداد میں خواتین نے شرکت کی ۔ مذکورہ پروگرام کے سلسلے میں وزیر اعلی بسواراج بومائی نے کہا تھا کہ یہ کانگریس بدقسمتی کی صورتحال ہے، انہوں نے کہا تھا کہ "ہم پرینکا کے کرناٹک آنے کے خلاف نہیں ہیں۔ کانگریس کے خواتین کے پروگرام میں اعلان کیا گیا کہ کانگریس خواتین کے لیے علیحدہ بجٹ پیش کرنے کی یقین دہانی کر رہی ہے۔
بسوراج بومئی نے کہا کہ کانگریس کی جانب سے خواتین کے لئے علیحدہ بجٹ الاٹ کرنے کے وعدے کے متعلق کہا کہ کانگریس لیڈروں کو احساس ہو گیا ہے کہ وہ اقتدار میں نہیں آئینگے، اس لیے وہ ہر کسی بھی چیزکی یقین دہانی کروانے کی کوششیں کر رہے ہیں۔
مزید پڑھیں:Representation of Muslim Leadership from North Karnataka: شمالی کرناٹک، کانگریس میں مسلمانوں کی نمائندگی ضروری
