اونتی پورہ میں دو منشیات فروش گرفتار

اونتی پورہ پولیس نے منشیات فروشوں کے خلاف اپنی مہم جاری رکھتے ہوئے اونتی پورہ میں دو منشیات فروش کو گرفتار کیا ہے اور ان کے قبضے سے بھاری مقدار میں فکی برآمد کی ہے۔

تفصیلات کے مطابق اونتی پورہ پولیس کی ایک ٹیم نے ایک ناکہ بندی کے دوران دتہ پورہ اونتی پورہ کے مقام پر دو افراد کو مشکوک حالت میں گھومتے ہوئے دیکھا اور جب ان کی تلاشی لی گئی تو ان کے قبضے سے 14کلو فکی برآمد ہوئی۔

پولیس کے مطابق دونوں منشیات فروش ریشی پورہ اونتی پورہ کے رہنے والے ہیں۔ ملزمین کے خلاف ایف آئی آر درج کرلی گئی ہے، فی الحال دونوں ملزمین کو پولیس تحویل میں رکھا گیا ہے۔