رامبن: سڑک حادثہ میں پولیس جوان شدید طور پر زخمی

مرکز کے زیر انتظام جموں و کشمیر کے ضلع رامبن میں جموں سرینگر قومی شاہراہ پر  سڑک حادثہ میں ایک ٹریفک پولیس جوان شدید طور پر زخمی ہوگیا۔

پولیس ذرایع کے مطابق ' آج شام شاہراہ پر تعینات سیلکش گریڈ مشتاق احمد( 48) ولد غلام حسین ساکنہ چندرکورٹ شاہراہ کے ڈیگڈول مقام پر تعینات تھے۔

اسی دوران اچانک نہ معلوم ٹرک سے ٹکرا جانے سے پولیس جوان شدید طور پر زخمی ہوگیا۔ٹکر مارنے کے بعد ڈرائور فرار ہو گیا۔

حادثہ کی اطلاع ملتے ہی مقامی پولیس اور رضاکاروں نے بچاو مہم شروع کر زخمی کو ضلع ہسپتال رامبن منتقل کیا ۔

جہاں ڈاکٹرز نے ابتدائی علاج کے بعد زخمی کو گورنمنٹ میڈیکل کالج و ہسپتال ریفر کر دیا گیا۔

پولیس نے معاملہ درج کر مفرور ملزم کی تلاش شروع کر دی ہے۔