مرکز کے زیر انتظام جموں و کشمیر کے کولگام میں کل ہونے والے ڈی ڈی سی انتخابات کے دوسرے مرحلے کو لیکر تمام تیاریاں مکمل ہو چکی ہیں۔
ضلع میں دو الگ الگ مقامات پمبئ اور منزگام میں دوسرے مرحلے کو لیکر ضلع کے ڈی سی آفس میں پولنگ عملے کو تمام سرکاری لوازمات کے بعد اپنے اپنے پولنگ مراکز کے لیے روانہ کیا گیا۔
ڈی ڈی سی انتخابات: دوسرے مرحلے کے لئے تیاریاں مکمل
علاقہ منزگام میں 38 پنچوں اور 18 سرپنچوں کے نامزدگی کے فارم بھرے گئے ہیں، جس میں بی ڈی سی کے 8 افراد نے فارم بھرے جبکہ علاقہ پمبئ میں 21 سرپنچوں اور 10 پنچوں نے نامزدگی کے فارم بھرے ہیں۔
واضح رہے کہ انتخابات کے دوسرے مرحلے کو لیکر ضلع انتظامیہ کی جانب سے تمام تیاریاں مکمل کر لی گئی ہیں۔
