کولگام: پانی کے تیز بہاؤ میں ڈائیورژن بھی بہہ گیا

جنوبی ضلع کولگام کے علاقہ نورآباد کے آڈیجن دمحال میں پانی کے تیز بہاؤ نے ڈائیورژن کو اپنے ساتھ بہا لیا جس کی وجہ سے ڈیڑھ لاکھ کی آبادی والے اس علاقے کو ایک بار پھر ضلع ہیڈکواٹر پہنچنے کے لیے دوگنا سفر طے کرنا پڑے گا۔

اگرچہ 7 ماہ بعد اس ڈائیورژن کو دمحال ہانجی پورہ کے مقامی اوقاف اور تحصیل انتظامیہ نے آمدورفت کے قابل بنایا تھا لیکن بد قسمتی سے چند ہی روز بعد موسلادھار بارش شروع ہوگئی جس کے سبب ایک بار پھر آڈیجن دمحال کا ڈائیورژن پانی کے تیز بہاؤ میں بہہ گیا۔

مقامی لوگوں کا کہنا ہے کہ ہماری گزارش موجودہ گورنر انتظامیہ اور ضلع انتظامیہ سے ہے کہ وہ اس ڈائیورژن پر دوبارہ کام شروع کرائیں تاکہ ہماری مشکلات کا حل ہوجائے۔