kulgam Encounter کولگام انکاﺅنٹر میں پانچ نامعلوم عسکریت پسند ہلاک

author img

By ETV Bharat Urdu Desk

Published : Nov 17, 2023, 10:32 AM IST

Updated : Nov 17, 2023, 12:07 PM IST

ضلع کولگام کے سامنو علاقے میں انکاﺅنٹر جاری

جنوبی کشمیر کے ضلع کولگام کے سامنو علاقے میں سکیورٹی فورسز اور عسکریت پسندوں کے درمیان تصادم میں پانچ نامعلوم عسکریت پسندوں کے ہلاک ہونے کی اطلاع ہے۔ کولگام اور اس کے اطراف میں بڑے پیمانے پر شرچ آپریشن جاری ہے۔ علاقے میں سکیورٹی انتظامات سخت کر دیے گئے ہیں۔

کولگام انکاﺅنٹر میں پانچ نامعلوم عسکریت پسند ہلاک

سری نگر: مرکز کے زیر انتظام یوٹی جموں و کشمیر کے ضلع کولگام کے سامنو علاقے میں گزشتہ روز جمعرات سے جاری انکاونٹر میں پانچ نامعلوم عسکریت پسندوں کے ہلاک ہو گئے ہیں۔ ایس ایس پی کولگام نے اس کی اطلاع دی۔ ایس ایس پی کولگام کے مطابق سیکیورٹی فورسز اور عسکریت پسندوں کے درمیان جاری انکاونٹر میں پانچ نامعلوم عسکریت پسند مارے گئے ہیں۔ تاحال ان کی شناخت نہیں ہو سکی ہے۔ کولگام اور اس کے اطراف میں بڑے پیمانے پر سرچ آپریشن جاری ہے۔ علاقے میں سکیورٹی انتظامات سخت کر دیے گئے ہیں۔

کولگام کے سامنو علاقے میں سیکورٹی فورسز اور عسکریت پسندوں کے درمیان کل شروع ہوئی تصادم آرائی آج بھی جاری ہے۔ علاقے میں ہرطرف سیکورٹی اہلکاروں کا سخت پہرہ ہے۔ اس تصادم کی وجہ سے علاقے میں کشیدگی کا ماحول ہے۔

اس سے قبل کشمیر زون پولیس نے 'ایکس' پر ایک پوسٹ کے ذریعے جانکاری فراہم کرتے ہوئے کہا کہ 'کولگام کے سامنو علاقے میں انکاﺅنٹر شروع ہوا ہے، پولیس اور سیکورٹی فورسز کام میں مصروف ہیں۔ اس سلسلے میں مزید تفصیلات کو شیئر کیا جائے گا۔' قبل ازیں ذرائع نے بتایا کہ جنگجوﺅں کی موجودگی کے بارے میں اطلاع موصول ہونے پر سکیورٹی فورسز نے جمعرات کی سہ پہر کولگام کے سامنو گاوں کو محاصرے میں لے کر بڑے پیمانے پر آپریشن شروع کیا۔

یہ بھی پڑھیں:جنوبی کشمیر کے کولگام میں عسکریت پسندوں اور حفاظتی اہلکاروں کے مابین تصادم

غور طلب ہے کہ جیسے ہی سلامتی عملے کے اہلکار مشتبہ مقام کے نزدیک پہنچے تو وہاں پر موجود عسکریت پسندوں نے سکیورٹی فورسز پر اندھا دھند فائرنگ شروع کر دی۔ چنانچہ سیکورٹی فورسزنے بھی پوزیشن سنبھال کر جوابی کارروائی کارروائی کا آغاز کیا جس دوران شدیدگولیوں کا تبادلہ شروع ہوا۔ آخری اطلاعات موصول ہونے تک اس انکاؤنٹر میں 5 عسکریت پسندوں ہلاک ہو گئے۔ بتادیں کہ گزشتہ دنوں پلوامہ کے پاریگام میں تصادم آرائی کے دوران ملی ٹینٹ سکیورٹی فورسز کو چکمہ دے کر فرار ہونے میں کامیاب ہوگئے تھے۔

Last Updated :Nov 17, 2023, 12:07 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.