'اس سے قبل بی جے پی کا نام لینے سے بھی لوگوں ڈرتے تھے'

پلوامہ: جموں و کشمیر کے ضلع پلوامہ کے علاقے کھیلن میں ایک میٹنگ کے دوران بی جے پی کے حلقہ صدر راجپورہ سید اسرار نے بات کرتے ہوئے کہا کہ ملک کے وزیراعظم نریندر مودی کا نعرہ ہے سب کا ساتھ سب کا وکاس اور سب کا وشواس جس کا مقصد نوجوانوں کے ساتھ ساتھ باقی لوگوں کو بھارتی جنتا پارٹی کے ساتھ جوڑنا ہے۔

انہوں نے مزید کہا کہ کئی نوجوانوں پارٹی میں شمولیت اختیار کر رہے ہیں جس سے یہ صاف ظاہر ہوتا ہے کہ ملک کے وزیراعظم کا نعرے کامیاب ہو رہا ہے۔ بی جے پی زمینی سطح پر کافی مضبوط ہے اور ہم تمام انتخابات کے لیے مکمل تیار ہے۔ انہوں نے کہا کہ ہمارے کارکنان ہر ایک علاقے میں جاتے ہیں تاکہ عوام کے مسائل کا ازالہ کیا جائے جب کہ اس سے قبل بی جے پی کا نام لینے سے بھی لوگوں ڈرتے تھے۔

واضح رہے کہ جموں وکشمیر میں بھارتیہ جنتا پارٹی کے کارکنان اپنے اپنے علاقوں کے ساتھ ساتھ پارٹی ہیڈ کوارٹر میں بھی مل کر من کی بات پروگرام سنتے ہیں۔ اسی سلسلے کو جاری رکھتے ہوئے پلوامہ میں بھارتیہ جنتا پارٹی یونٹ نے اتوار کو ضلع کے دور اقتدار علاقے کھیلن علاقے میں بی جے پی حلقہ راجپورہ سید اسرار کی صدارت من کی بات سنی۔ پروگرام میں پارٹی کے لیڈران کے ساتھ ساتھ کارکنان نے بھی شرکت کی جنہوں نے مل کر من کی بات سنی۔ جب کہ علاقے کے لوگوں نے بعد ازاں علاقے کے مسائل کو حلقہ صدر کی نوٹس میں لائے۔