گاندربل: مرکز کے زیر انتظام یوٹی جموں و کشمیر کے گاندربل میں محکمہ پولیس کی ہدایت پر ضلع کے تمام تھانوں میں میری ماں میرا دیش مہم کے تحت مختلف پروگرامز کا انعقاد کیا گیا جس میں پولیس اہلکاروں نے بھی بڑھ چڑھ کر حصہ لیا۔ گاندربل پولیس کی طرف سے منعقد کیے گئے پروگرام میری مٹی میرا دیش" کا مقصد ان آزادی پسندوں اور بہادروں جوانوں کو خراج تحسین پیش کرنا ہے جنہوں نے ملک کے لیے اپنی جانیں قربان کیں ۔آج ضلع بھر میں اس سلسلے میں مختلف پروگرام منعقد کۓ گئے تاکہ قومی فخر و جذبے کا احساس پیدا کیا جا سکے اور آنے والی نسلوں کو ہندوستان کے قدیم ورثے کی حفاظت کی ترغیب دی جا سکے۔
یہ بھی پڑھیں:Tiranga March In Doda ڈوڈہ پولیس کی جانب سے ترنگا ریلی کا انعقاد
ضلع بھر میں مہم کا آغاز ضلع کے تمام تھانوں اور پولیس چوکیوں میں پروگراموں اور سرگرمیوں کی ایک شاندار صف کے ساتھ ہوا۔ اس مہم کے ایک حصے کے طور پر گاندربل کے دائرہ اختیار میں پی ایس لار سے منی گام تک ترنگا بائیک ریلی کا انعقاد کیا گیا۔ ایک خصوصی ترنگا ریلی جس میں مختلف گاڑیاں اور بائک شامل تھے جن میں سول سوسائٹی کے اراکین، افسران اور جموں و کشمیر پولیس کے جوان تھے۔ میری مٹی میرا دیش مہم کو لے کر مقامی باشندوں میں جوش و جذبہ پایا جا رہا ہے۔
