شملہ: کانگریس نے ہماچل پردیش اسمبلی انتخابات کے لئے 46 امیدواروں کی پہلی فہرست جاری کی۔ کانگریس کے انتخابی انچارج مکل واسنک نے کہا کہ انتخابی کمیٹی نے ان ناموں کو حتمی شکل دی ہے۔ پارٹی نے سابق وزیر اعلیٰ آنجہانی ویربھدرا سنگھ اور پرتیبھا سنگھ کے بیٹے وکرمادتیہ سنگھ کو شملہ گاوں سے میدان میں اتارا ہے، جب کہ اسمبلی میں اپوزیشن لیڈر مکیش اگنی ہوتری کو ہارولی ، سینئر لیڈر آشا کماری کو ڈلہوزی اور سکھوندر سنگھ سکھو اور کلدیپ سنگھ راٹھور کو بالترتیب نادون اور تھیوگ سے امیدوار بنایا ہے۔ Himachal Pradesh Elections 2022
ہماچل پردیش کی 68 اسمبلی سیٹوں کے لیے ریاست کے 55 لاکھ ووٹر 12 نومبر کو ایک ہی مرحلے میں ووٹ ڈالیں گے۔ کاغذات نامزدگی کی آخری تاریخ 25 اکتوبر اور کاغذات نامزدگی کی جانچ پڑتال 27 اکتوبر کو ہوگی۔ امیدوار 29 اکتوبر تک اپنے نام واپس لے سکیں گے۔ انتخابی نتائج کا اعلان 8 دسمبر کو کیا جائے گا۔
یہ بھی پڑھیں: Assembly Election Dates Announced ہماچل پردیش میں ہونے والے اسمبلی انتخابات کے تاریخ کا اعلان
یو این آئی
