گجرات وقف بورڈ نے گھٹی والا مسجد کے ٹرسٹیوں کو کیا بے دخل

گجرات وقف بورڈ نے احمدآباد کی گھٹی والا مسجد ٹرسٹ میں ہوئی بدعنوانی پر فیصلہ سناتے ہوئے مسجد ٹرسٹ کے تمام ٹرسٹیوں کو ٹرسٹ سے بے دخل کردیا ہے۔

گجرات میں وقف املاک کے ساتھ بد عنوانی کے معاملے بڑھتے جا رہے ہیں اور اب گجرات وقف بورڈ نے بھی بدعنوانی کے خلاف ایکشن لینا شروع کردیا ہے۔ ایسے می‍ں احمدآباد کی گھٹی والا مسجد ٹرسٹ میں ہوئی بدعنوانی پر شکنجہ کستے ہوے گجرات وقف بورڈ نے گھٹی والا مسجد ٹرسٹ کے تمام ٹرسٹیوں کو ٹرسٹ سے بے دخل کردیا ہے۔

اس تعلق سے گجرات وقف بورڈ میں عرضی داخل کرنے والے جاہد شیخ نے کہا کہ گھٹی والی مسجد اور عبدالسعید بیلم کے مکان کے ساتھ گھٹی والا مسجد کے ٹرسٹیوں نے بہت بڑی بد عنوانی کی تھی، جس کے خلاف ہم نے گجرات وقف بورڈ میں عرضی داخل کی اور گزشتہ 3 سال سے اس کیس پر ہم کام کر رہے تھے۔ بہت سارے دستاویزات کو ہم نے گجرات وقف بورڈ میں جمع کیے اور اب گجرات وقف نے اس معاملے پر اپنا فیصلہ سناتے ہوئے گھٹی والا ٹرسٹ کے تمام ٹرسٹیوں کو ٹرسٹ سے بے درخل کر دیا ہے اور اس معاملے کی مزید تفتیش کے لیے 6 ماہ تک ایگزیکیٹیو آفسر این بی شیخ کا تقرر کیا گیا ہے۔اس تعلق سے گھٹی والا مسجد ٹرسٹ کے متاثر عبدالسعید بیلم نے کہا کہ گھٹی والا ٹرسٹ کے ٹرسٹیوں نے مسجد میں تو بد عنوانی کی ہی تھی،ساتھ ہی ساتھ میرے مکان کے دو حصے کر مجھے دھوکہ میں رکھ کر بیچ دیا تھا جس کے خلاف ہم نے وقف بورڈ کا دروازہ کھٹکھٹایا تھا، جس پر تمام ثبوتوں کو مد نظر رکھتے ہوئے گجرات وقف بورڈ نے گھٹی والا ٹرسٹ کے ٹرسٹیوں کو ٹرسٹ سے نکال دیا۔ وقف بورڈ نے ہمارے حق میں فیصلہ سنایا، اس لیے ہمیں کافی خوشی محسوس ہو رہی ہے،ؤ۔