قومی دارالحکومت دہلی میں وزیر اعظم نریندر مودی نے پیر کو ''یو ایس-انڈیا'' اسٹریٹجک پارٹنرشپ فورم (یو ایس آئی ایس پی ایف) کے ممبران سے ملاقات کی۔
وزیر اعظم مودی سے ملاقات کرنے والوں میں یو ایس آئی ایس پی ایف کے صدر اور سی ای او مکیش اگھی بھی شامل تھے۔
اگی نے ای ٹی وی بھارت کو بتایا کہ 'بھارت اور امریکہ جلد ہی تجارتی معاہدے کو حتمی شکل دیں گے۔
سینئر صحافی سمیتا شرما سے گفتگو کرتے ہوئے اگھی نے کہا کہ امریکی کمپنیاں کشمیر میں بھی سرمایہ کاری کے خواہشمند ہیں۔ ای ٹی وی بھارت کی مکیش آگی سے خصوصی گفتگو۔
سوال - موجودہ دور میں 'بھارت - امریکہ' تجارتی صورتحال کے بارے میں آپ کا کیا کہنا ہے۔ اس میں کیا کیا چیلنج ہیں؟
جواب- آپ کو دونوں ممالک کے مابین تجارتی معاہدوں اور تجارت کو الگ الگ دیکھنا ہوگا۔ ہم توقع کرتے ہیں کہ بھارت کے ساتھ تجارت اس سال 142 بلین امریکی ڈالر سے بڑھ کر 160 بلین ڈالر ہوجائے گی۔ پچھلے تین ماہ میں بھارت اور امریکہ کی برآمدات میں 30 فیصد اضافہ ہوا ہے۔ مجموعی طور پر تجارت میں 16 فیصد اضافہ ہوا ہے۔ جب آپ بھارت میں امریکی کمپنیوں سے بات کرتے ہیں تو ان میں سے بیشتر اضافہ دکھا رہے ہیں۔ مجموعی طور پر کاروبار ٹھیک چل رہا ہے۔ ہم نومبر یا دسمبر کے مہینے تک کاروباری معاہدہ کریں گے۔
سوال- ہم نے ''یو ایس آئی ایس پی ایف'' لیڈرشپ فورم میں تجارتی معاہدے کے بارے میں مرکزی وزراء گوئل اور جیشنکر سے یقین دہانی سنی۔ تجارتی معاہدے کو حتمی شکل دینے میں کیا رکاوٹیں ہیں؟
جواب: تجارتی معاہدے میں ہمیشہ کچھ رکاوٹیں رہتی ہیں۔ بھارت میں بھی کاروبار کرنے میں کچھ رکاوٹیں ہیں۔ یہ رکاوٹیں سیب اور بادام کی برآمد کے وقت دیکھنے کو ملتی ہیں۔ ہمیں صرف صحیح توازن تلاش کرنے کی ضرورت ہے۔
سوال- یو ایس آئی ایس پی ایف فورم میں ، گوئل نے کہا کہ وہ 30 مئی تک ٹریڈ (تجارت) کا ''ٹی'' تک نہیں جانتے تھے اور لائٹائزر نے ان کے ساتھ پیچیدہ گفتگو کی ہے۔ نقاد یہ کہہ رہے ہیں کہ یہ شائستگی نہیں بلکہ سفارتی اعتبار ہے۔ اس پر آپ کے کیا خیالات ہیں؟
جواب - مجھے ایسا نہیں لگتا۔ جہاں تک آپ کے سوال کا تعلق ہے، گوئل لائٹائزرکی طرح ہی ہوشیار ہے۔ تو یہ کوئی تشویش کی بات نہیں ہے۔
سوال- کیا بھارت کو ''امریکہ چین'' تجارتی جنگ سے کچھ فائدہ ہو رہا ہے؟
جواب: بھارت نے ٹیکس میں کمی کرکے کچھ تبدیلیاں کیں۔ اس ماہ کے آخر میں آنے والی 'نئی مینوفیکچرنگ' میں 17 فیصد ٹیکس کی چھوٹ مل سکتی ہے۔
بھارت کو مزدور اور زمین میں اصلاحات کی ضرورت ہے۔ تقریبا 200 امریکی کمپنیوں کے ممبر بھارت کی طرف دیکھ رہے ہیں۔اور اگر یہ کمپنیاں بھارت آئیں تو تقریبا 21 ارب ڈالر کی سرمایہ کاری بھارت میں آئے گی۔ جس کو ان کمپنیوں نے اپنی مینوفیکچرنگ کو بھارت میں منتقل کرنا ہے۔ مجھے لگتا ہے کہ وہ یہ کریں گے کیونکہ بھارت میں مینوفیکچرنگ کا ماحول بہت بہتر ہے۔ اس کے ساتھ ہی بھارت ایک بڑی منڈی بھی ہے۔
سوال - امریکی کمپنیاں انڈونیشیا اور ویتنام میں کیوں جا رہی ہیں ، انھیں راغب کرنے کے لئے بھارت کو کیا کرنے کی ضرورت ہے؟
جواب- ویتنام، تھائی لینڈ یا بنگلہ دیش جانے والی کمپنیوں کی تعداد بہت کم ہے اور وہ چھوٹی مینوفیکچرنگ کمپنیاں ہیں۔ امریکی کمپنیاں ہنر مند انجینئرنگ اور ہنر مند ڈیزائنرز کی تلاش میں ہیں اور وہ صرف بھارت میں بڑے پیمانے پر ہیں۔ بھارت کے سامنے چیلنج یہ ہے کہ اسے کمپنیوں کو سمجھانا ہوگا اور ان کی ضروریات کو سمجھنا ہوگا۔ اس کے ساتھ انہیں اپنے وسائل کے بارے میں بھی بتانا ہوگا۔ 'ایز آف ڈوئنگ بزنس' کے معاملے میں بھارت 77 ویں نمبر پر ہے ، لیکن چین 26 ویں نمبر پر ہے اور یہی وہ مقام ہے جہاں بھارت کو اپنی توجہ مرکوز رکھنی ہے۔
سوال- آپ نے گذشتہ رات وزیر اعظم مودی سے دوسرے امریکی تاجر رہنماؤں کے ساتھ ملاقات کی۔ آپ نے کیا تبادلہ خیال کیا ؟
جواب - ہمارے پاس کاروباری لوگ ہیں جو زیادہ سے زیادہ سرمایہ کاری کرنے کو تیار ہیں۔ ہم نے وزیر اعظم مودی کو بتایا کہ بھارت اب بھی ایک بہت ہی امید افزا بازار ہے۔ ہم بھارت میں اپنے ہر چیز کو دوگنا کرنے جارہے ہیں۔ اب سے 5 یا 10 سال بعد بھارت 5 ارب امریکی ڈالر کی منڈی بن جائے گا۔ اور ہم اس کا حصہ بننا چاہتے ہیں۔وزیر اعظم نے کہا کہ ہمارے پاس جمہوریت اور دماغ ہے جس سے آپ فائدہ اٹھا سکتے ہیں۔ انہوں نے اس بات پر توجہ مرکوز کی کہ وہ کس طرح بھارت میں معیار زندگی کو بہتر بنانا چاہتے ہیں۔ ہمارے شاندار گفتگو ہوئی۔ اور ممبر کمپنیوں نے بھارت میں اپنے کاروبار کو مزید وسعت دینے کے عزم کا اظہار کیا۔
سوال- کیا آرٹیکل 370 کے خاتمے کے بعد جموں و کشمیر میں سرمایہ کاری کے لئے حکومت ہند کی طرف سے کوئی خصوصی رعایت حاصل ہے؟
جواب - بہت ساری امریکی کمپنیوں نے جموں و کشمیر میں سرمایہ کاری کے لئے دلچسپی ظاہر کی ہے۔ آپ کے پاس ایک ایسا علاقہ ہے جو سیاحوں کا عمدہ مقام ہو سکتا ہے۔ آپ جلد ہی جموں و کشمیر میں سرمایہ کاری سیمینار دیکھیں گے۔ ہم امید کرتے ہیں کہ معاملات جلد ہی حل ہوجائیں گے کیونکہ مزید امریکی کمپنیاں وہاں جاکر مارکیٹ کھولنے کی خواہشمند ہیں۔
سوال- وزیر اعظم مودی کے حالیہ امریکی دورے کے بعد کچھ امریکی قانون سازوں نے ٹرمپ انتظامیہ کو ایک خط لکھ کر بھارت کے لئے 'جی ایس پی' کو ختم کرنے کا مطالبہ کیا۔ آپ اس پر کیا کہنا چاہیں گے اور 'جی ایس پی' کی منسوخی کی وجہ سے بھارت کو کتنا نقصان ہو رہا ہے؟
جواب - جہاں تک بھارت کی امریکہ کو برآمدات کا تعلق ہے۔ جی ایس پی کے انخلا کے بعد بھی اس کا بھارت پر کوئی اثر نہیں ہوا ہے۔ امریکی درآمد کنندگان ٹرمپ انتظامیہ پر دباؤ ڈال رہے ہیں تاکہ بھارت 'جی ایس پی' ٹیبل پر واپس آئے۔ فی الحال جی ایس پی پر مذاکرات جاری ہیں۔ ہم جلد ہی اس میں اضافہ دیکھیں گے۔
