یونین پبلک سروس کمیشن (یو پی ایس سی) نے سول سروسز امتحان 2021 کے نتائج کا اعلان کر دیا ہے۔ کمیشن نے کہا کہ تقریباً 685 امیدوار امتحان میں کامیاب ہوئے ہیں۔ ان میں شروتی شرما کو پہلا مقام حاصل ہوا جب کہ انکیتا اگروال اور گامنی سنگلا نے بالترتیب دوسری اور تیسری پوزیشن حاصل کی ہے۔ اسی طرح چوتھے مقام پر بھی ایک لڑکی نے قضبہ ہے۔ تاہم کمیشن نے اس بارے میں تفصیلی معلومات نہیں دی ہے۔ کمیشن نے کہا کہ شروتی شرما نے پہلی پوزیشن حاصل کی ہے جب کہ انکیتا اگروال اور گامنی سنگلا نے بالترتیب دوسری اور تیسری پوزیشن حاصل کی ہے۔
امتحان میں کامیاب ہونے والے تمام امیدواروں کو وزیراعظم نریند مودی نے مبارکباد دی۔ وزیراعظم نے کہا کہ 'ان تمام لوگوں کو مبارک ہو جنہوں نے سول سروسز (مین) امتحان 2021 میں کامیابی حاصل کی ہے۔ ان نوجوانوں کے لیے میری نیک تمنائیں جو بھارت کی ترقی کے سفر کے ایک اہم وقت میں اپنا کریئر شروع کر رہے ہیں جب ہم آزادی کے امرت مہوتسو منا رہے ہیں۔
