قومی دارالحکومت دہلی میں واقع درگاہ حضرت نظام الدین کے چیف انچارج سید کاشف نظامی نے ای ٹی وی بھارت سے بات کرتے ہوئے بتایا کہ درگاہ میں حکومت کی جاری کردہ تمام گائیڈلائن پر سختی سے عمل کیا جا رہا ہے۔ کورونا کو دیکھتے ہوئے درگاہ میں پھول، چادر، اگربتی وغیرہ چڑھانا فی الحال منع ہے۔
ملک بھر میں کورونا وائرس کی وبا پھیلنے کے بعد سے ہی لاک ڈاؤن نافذ کر دیا گیا تھا، جس کی وجہ سے تمام مذہبی مقامات بھی بند کر دیے گئے تھے۔ تاہم اب انلاک 4 کے تحت دارالحکومت دہلی میں واقع حضرت نظام الدین اولیا کی درگاہ کو بھی زائرین کے لیے کھول دیا دیا گیا ہے۔
حکومت کے پاس کسی بھی بحران کا حل نہیں: راہل
گذشتہ روز سے ہی تمام رہنمایانہ ہدایات پر عمل کرتے ہوئے زائرین کو درگاہ میں جانے کی اجازت دی گئی ہے، جبکہ درگاہ کے منتظمین کی جانب سے بھی جگہ جگہ سینیٹائزر اور رہنما ہدایات کے اسٹیکر چسپاں کیے گئے ہیں۔
درگاہ حضرت نظام الدین کے چیف انچارج سید کاشف نظامی نے بتایا کہ درگاہ میں حکومت کی جاری کردہ تمام ہدایتوں پر سختی سے عمل کیا جا رہا ہے۔ کورونا کو دیکھتے ہوئے درگاہ میں پھول، چادر، اگربتی وغیرہ چڑھانا فی الحال منع ہے۔
درگاہوں کی شناخت کہے جانے والے لنگر کا احتمام تو کیا جا رہا ہے۔ لیکن کورونا وائرس کی وبا سے بچنے کے لیے لنگر کو درگاہ کے احاطے میں تقسیم نہیں کیا جا رہا ہے۔
