ہریانوی ڈانسر سپنا چوہدری کے شوہر ویر ساہو کسانوں کی حمایت میں دہلی کے جنتر منتر پہنچے۔ ویر ساہو نے کہا ہے کہ میں نہ بی جے پی کا ہوں اور نہ ہی کانگریس کا۔ انہوں نے کہا کہ میں پہلے کسان ہوں۔
ویر ساہو نے کہا کہ ہم کسی کے خلاف نہیں ہیں اور نہ ہی ہم کرسی خالی کرانے کی بات کرتے ہیں۔ انہوں نے کہا کہ کرسی خالی ہم تب کراتے جب ہمیں اس کی ضرورت ہوتی۔ ہم تو اپنے وجود کی جنگ لڑ رہے ہیں۔
ویر ساہو نے کسانوں سے اپیل کرتے ہوئے کہا کہ اس تحریک کو سیاست سے بچانا ہے۔ انہوں نے کہا کہ کچھ سیاسی لکڑ بگھے اس کا فائدہ اٹھانے کے چکر میں ہیں کہ کسانوں کو کس طرح غلط استعمال کیا جاتا ہے۔ انہوں نے کہا کہ یہ آر پار کی لڑائی ہے۔
اسی کے ساتھ ہی ویر ساہو نے حکومت سے بھی اپیل کی کہ مرکزی حکومت کو کسانوں کی بات سننی چاہیے۔ انہوں نے کہا کہ کسان ایک ایسی قوم ہے جس نے بڑی قربانیاں دی ہیں۔ انہوں نے کہا کہ کسان قوم نے سکندر جیسے حکمرانوں کو گھٹنے ٹیکا دیے۔ حکومت کو کسانوں کی بات سننی چاہئے۔
