دہلی: قومی دارلحکومت دہلی کے مہرولی علاقے میں پیش آئے شردھا واکر قتل کیس کے سلسلے میں بدھ کو ساکیت عدالت نے پولیس کو ملزم آفتاب پونا والا کا نارکو ٹیسٹ کرانے کی اجازت دے دی۔ اس سے قبل پولیس نے ساکیت کورٹ میں نارکو ٹیسٹ کی درخواست دی تھی۔ دوسری جانب بدھ کو پولیس آفتاب کو میڈیکل ٹیسٹ کے لیے ایمس لے گئی۔ اس کے ساتھ ہی پولیس ایک بار پھر تفتیش کے لیے آفتاب کے کمرے میں گئی اور جائے وقوعہ کی چھان بین کی۔ پولیس ذرائع کا کہنا ہے کہ آفتاب تفتیش کا رخ موڑنے کی کوشش کر رہا ہے۔ ایسے میں نارکو ٹیسٹ کے ذریعے کئی راز کھل سکتے ہیں۔ Saket court allows narco test of accused
دہلی پولیس کمشنر کے حکم کے بعد اسپیشل سی پی اور جوائنٹ سی پی کی نگرانی میں ایک ٹیم تشکیل دی گئی ہے۔ اس میں ٹریفک پولیس کرائم برانچ کے اسپیشل اسٹاف سمیت کئی مختلف ٹیمیں تشکیل دی گئی ہیں۔ واضح رہے کہ مقتول شردھا کا سر ابھی تک برآمد نہیں ہوا ہے اور ٹیم کی جانب سے اسے تلاش کرنے کی کوششیں جاری ہیں۔ بدھ کو ملزم آفتاب کو ساکیت عدالت میں پیش کیا گیا اور عدالت سے نارکو ٹیسٹ کرانے کی اجازت لی گئی۔ اس کے ساتھ ہی پولس نے مہرولی جنگل میں ملزمین کے حوالے سے سرچ آپریشن بھی کیا۔ بتایا جا رہا ہے کہ ملزم کئی بار اپنا بیان بدل چکا ہے اور وہ پولیس سے تعاون نہیں کر رہا ہے۔
ذرائع کے مطابق عدالت نے ملزم کے نارکو ٹیسٹ کی اجازت دی ہے کیونکہ آفتاب پولیس کو غلط معلومات دے رہا ہے۔ ملزم نے ابھی تک پولیس کو یہ نہیں بتایا ہے کہ اس نے مقتول خاتون شردھا واکر کے موبائل فون کے ساتھ کیا کیا۔ پولیس کو شبہ ہے کہ ملزم نے جس ہتھیار سے قتل کیا ہے اس کے بارے میں غلط معلومات دے کر پولیس کو گمراہ کرنے کی کوشش کر رہا ہے۔ Aftab Poonawala
مزید پڑھیں:Shraddha Walker Murder Case شردھا واکر قتل کیس میں نیا انکشاف
