نئی دہلی: ملک میں راحت کی خبر یہ ہے کہ گذشتہ 24 گھنٹے میں کورونا انفیکشن سے کسی بھی مریض کی موت نہیں ہوئی ہے، جس کی وجہ سے مرنے والوں کی تعداد 5,30,745 اور اموات کی شرح 1.19 فیصد پر برقرار ہے۔ صحت اور خاندانی بہبود کی مرکزی وزارت نے ہفتہ کو کہا کہ صبح 7 بجے تک 220.56 کروڑ سے زیادہ ویکسین دی گئی ہیں۔ وزارت نے کہا کہ ملک میں کورونا کے ایکٹیو کیسز بڑھ کر 1,792 ہو گئے ہیں اور اسی عرصے کے دوران کورونا کے 96 مریض ہسپتال سے بحفاظت گھر لوٹ چکے ہیں، جس کی وجہ سے کووڈ سے چھٹکارا پانے والوں کی کل تعداد بڑھ کر 4,41,50,713 ہوگئی ہے۔ بحالی کی شرح 98.80 فیصد تک پہنچ گئی ہے۔ ملک میں گزشتہ 24 گھنٹوں میں سات ریاستوں اور تین مرکز کے زیر انتظام علاقوں میں کورونا انفیکشن کے نئے کیسز سامنے آئے ہیں اور باقی ریاستوں/مرکز کے زیر انتظام علاقوں میں ان کی تعداد میں کمی آئی ہے۔ قومی راجدھانی میں گزشتہ 24 گھنٹوں کے دوران چار فعال معاملات میں کمی کے ساتھ ان کی کل تعداد کم ہو کر 10 ہو گئی ہے۔ ریاست میں اس وبا سے صحت یاب ہونے والوں کی تعداد بڑھ کر 19,80,862 ہو گئی ہے اور مرنے والوں کی تعداد 26,522 پر مستحکم ہے۔
اس مدت کے دوران، کیرالہ میں دو فعال کیسوں کی کمی کے ساتھ، ان کی کل تعداد 1,196 پر آ گئی ہے، جب کہ اس سے چھٹکارا پانے والوں کی کل تعداد بڑھ کر 67,57,036 ہو گئی ہے اور مرنے والوں کی تعداد 71,578 پر برقرار ہے۔ کرناٹک میں نو ایکٹیو کیسز کے اضافے کے ساتھ ان کی کل تعداد بڑھ کر 142 ہو گئی ہے، جب کہ اس سے چھٹکارا پانے والوں کی کل تعداد بڑھ کر 40,32,554 ہو گئی ہے اور مرنے والوں کی تعداد 40,309 پر برقرار ہے۔ اس کے علاوہ مہاراشٹر میں کورونا کے تین ایکٹو کیسز کے اضافے کے ساتھ ہی ایکٹو کیسز کی تعداد بڑھ کر 76 ہو گئی ہے۔ اس عرصے کے دوران چھ افراد کے صحت یاب ہونے کے بعد اس سے چھٹکارا پانے والوں کی کل تعداد بڑھ کر 79,88,684 ہو گئی ہے اور ریاست میں مرنے والوں کی تعداد 1,48,421 پر مستحکم ہے۔ مرکز کے زیر انتظام علاقے پڈوچیری میں گزشتہ 24 گھنٹوں کے دوران 15 ایکٹو کیسز کے اضافے کے ساتھ ان کی کل تعداد 43 ہو گئی ہے۔ اس وبا سے اب تک 1,73,710 افراد صحت یاب ہوچکے ہیں اور اب تک کل 1,975 مریضوں کی موت ہوچکی ہے۔
یہ بھی پڑھیں: India Corona Update بھارت میں کورونا انفیکشن کے 1764 ایکٹیو کیسز
تلنگانہ میں گزشتہ 24 گھنٹوں کے دوران سات فعال کیسز میں اضافہ ہوا ہے جس سے کل تعداد 32 ہوگئی ہے۔ اس وبا سے اب تک 8,37,375 افراد صحت یاب ہوچکے ہیں اور اب تک 4,111 مریض جان کی بازی ہار چکے ہیں۔ تمل ناڈو میں کورونا کے تین فعال کیسوں میں کمی کے ساتھ ان کی کل تعداد کم ہو کر 29 ہو گئی ہے۔ اس وبا سے صحت یاب ہونے والوں کی کل تعداد 35,56,593 تک پہنچ گئی ہے اور مرنے والوں کی تعداد 38,049 پر مستحکم ہے۔ اس کے علاوہ گزشتہ 24 گھنٹوں کے دوران بالترتیب ہماچل پردیش، اڈیشہ اور پنجاب میں کورونا کے دو نئے کیسز سامنے آئے ہیں جبکہ مرکز کے زیر انتظام علاقے چنڈی گڑھ، جموں و کشمیر اور مغربی بنگال میں بالترتیب کورونا کا ایک کیس سامنے آیا ہے۔ یہ راحت کی بات ہے کہ اروناچل پردیش، آسام، دادرا اور نگر حویلی، دمن اور دیو، جھارکھنڈ، لداخ، لکشدیپ، مدھیہ پردیش، منی پور، میگھالیہ، میزورم، ناگالینڈ، سکم اور تریپورہ میں کورونا کا ایک بھی فعال کیس نہیں ہے۔
یواین آئی
