خواجہ سیّد محمد نظام الدین اولیاء کا 718 واں سالانہ پانچ روزہ عرس مبارک (Hazrat Nizamuddin Auliya Urs) بڑی عقیدت و احترام کے ساتھ منایا جا رہا ہے۔ عرس کا آغاز 22 نومبر کی شام میں تلاوت قرآن پاک سے کیا گیا، جس کا اختتام 26 نومبر کو ہوگا۔
حضرت نظام الدین اولیاء (Hazrat Nizamuddin) کے عرس کے موقع پر درگاہ کے خدام کی جانب سے پوری درگاہ کو خصوصی پنڈال لگاکر سجایا گیا ہے اور محافل و لنگر کا خصوصی اہتمام کیا گیا ہے۔
پانچ روزہ عرس کے پہلے روز بعد نماز عصر تلاوت کلام پاک اور فاتحہ خوانی سے عرس کی تقریب کا آغاز ہوا اور بعد نماز مغرب نعت و منقبت نیز شجرہ کی خصوصی نشست اور عشاء کی نماز کے بعد مختصر وقت کے لیے محفل سماع کا انعقاد کیا گیا۔
درگاہ کمیٹی کے چیئرمین سید افسر علی نظامی نے بتایا کہ خواجہ حضرت نظام الدین کی درگاہ میں زائرین کے لیے احتیاطی تدابیر کی گئی ہیں، جگہ جگہ ماسک سینیٹائزر اور سماجی فاصلے کو ترجیح دی جارہی ہے، ساتھ ہی لنگر پیکٹ کے ذریعے تقسیم کیا جا رہا ہے۔
یہ بھی پڑھیں: hazrat nizamuddin auliya urs: حضرت نظام الدین اولیاء کا سہ روزہ عرس کا آج سے آغاز
اس کے علاوہ زائرین کو زیادہ دیر رکنے کی اجازت نہیں ہے، آستانہ شریف پر پھول چادر وغیرہ پیش کرنے کی اجازت فی الحال اجازت ہے۔ رواں برس ملک کی مختلف ریاستوں کے گدی نشین اور پاکستان کے 60 زائرین بھی درگاہ میں عقیدت کے پھول پیش کرنے کے لیے آئے ہیں۔
