دارالحکومت دہلی سے متصل غازی آباد کے راج نگر ایکسٹینشن میں لیپ ٹاپ پھٹ جانے سے ایک گھر میں آگ لگ گئی۔
بتایا جا رہا ہے کہ راہل پیشہ کے لحاظ سے ایک سافٹ ویئر انجینئر ہے اور لیپ ٹاپ کو چارجنگ میں لگا کر سو گیا تھا۔ آگ لگنے کے بعد جب راہل کا دھوئیں کی وجہ سے دم گھٹنے لگے تو اس کی نیند کھلی۔ راہل کو پہلے کچھ تو سمجھ میں نہیں آیا لیکن دیکھا کہ لیپ ٹاپ آگ کی زد میں ہے اور کمرے میں چاروں طرف دھواں ہی دھواں ہے۔ کمرے کی حالت دیکھ کر وہ گھبرا گیا۔ اس کے بعد وہ بالکنی میں چلا گیا اور لوگوں کو آواز دی۔
گھر میں آتشزدگی
اطلاع ملنے کے بعد فائر بریگیڈ کی ٹیم موقع پر پہنچی اور بہت کوشش کے بعد آگ پر قابو پالیا اور راہل کو بحفاظت نیچے لایا گیا۔
