دہلی ہائی کورٹ نے ایک درخواست پر سماعت کرتے ہوئے کہا کہ نائٹ شیلٹر عوامی پارکوں میں مستقل طور پر کام نہیں کر سکتے، انہیں جلد از جلد دوسری جگہ کا بندوبست کرنا چاہیے اور عوام کے لیے ان پارکوں کو کھولنا ہوگا۔ دہلی ہائی کورٹ نے دہلی مونسبل کارپوریشن سے کہا کہ وہ دہلی اربن شلٹر امپروومنٹ بورڈ سے جامع مسجد کے قریب واقع اردو پارک میں موجود جگہ خالی کرنے کو کہیں۔
یہ بھی پڑھیں: پارلیمنٹ کی سکیورٹی: عدالت نے ملزم للت جھا کی کی پولس حراست میں 5 جنوری تک توسیع کی
واضح رہے کہ دہلی ہائی کورٹ پرانی دہلی میں جامع مسجد کے اطراف میں واقع عوامی پارکوں میں تجاوزات سے متعلق محمد ارسلان کی درخواست پر سماعت کر رہی ہے، اسی معاملے پر سماعت کے دوران عدالت نے اپنا ایم سی ڈی کو حکم دیا ہے، اب اس معاملے کی ائندہ سماعت 10 اپریل کو ہونی ہے۔ اس پر معاملے میں ای ٹی وی بھارت کے نمائندے نے مقامی باشندے اور ار ٹی ائی ایکٹیوسٹ شاہد گنگوہی سے بھی بات کی جس میں انہوں نے بتایا کہ سپریم کورٹ نے کسی ایک شیلٹر ہوم کو ایک مندر کے پاس سے جگہ خالی نہ کرانے کا حکم دیا تھا لیکن دہلی اربن شیلٹر امپروومنٹ بورڈ نے اس حکم کو پوری دہلی میں نافذ کر لیا اور مختلف پارکوں میں اپنے شیلٹر ہوم کھول دیے تاہم اب عدالت نے 4 ماہ کے اندر پارک کھالی کرانے کے لیے حکم دیا ہے۔
