دہلی میں پارلیمنٹ ہاؤس روڈ پر واقع آکاش وانی بھون کی پہلی منزل پر آج صبح آگ لگ گئی ۔
آتشزدگی معاملہ آکاش وانی بھون کے روم نمبر 101 میں پیش آیا۔
فائر بریگیڈ محکمے کے ایک افسر اتل ورگ نے بتایا کہ صبح قریب پانچ بج کر 58 منٹ پر آکاش وانی بھون میں آگ کی اطلاع ملی۔ موقع پر فوراً آٹھ فائربریگیڈ گاڑیاں بھیجی گئیں۔
انہوں نے کہا کہ آگ عمارت کی پہلی منزل کے 101 نمبر کے کمرے میں لگی تھی۔ آگ کمرے میں بجلی کے ایک آلے میں لگی تھی۔ فوراً آگ کو بجھا لیا گیا۔اس میں کسی کے زخمی یا ہلاک ہونے کی اطلاع نہیں ہے۔
